മത്സരത്തില് ടോസ് നേടിയ ഹൈദരാബാദ് ബൗളിങ് തെരഞ്ഞെടുക്കുകയായിരുന്നു. ആദ്യം ബാറ്റ് ചെയ്ത് ആറ് വിക്കറ്റ് നഷ്ടത്തില് 200 റണ്സ് നേടാനാണ് കൊല്ക്കത്തയ്ക്ക് സാധിച്ചത്. വിജയലക്ഷ്യം പിന്തുടര്ന്ന് ഇറങ്ങിയ ഉദയസൂര്യന്മാര് 16.4 ഓവറില് 120 റണ്സിന് ഓള് ഔട്ട് ആകുകയായിരുന്നു.
ഒരു വിക്കറ്റാണ് നേടിയതെങ്കിലും ഒരു തകര്പ്പന് നേട്ടമാണ് സുനില് നരേയ്ന് സ്വന്തമാക്കിയത്. കൊല്ക്കത്തയ്ക്ക് വേണ്ടി 200 വിക്കറ്റുകള് പൂര്ത്തിയാക്കാനാണ് താരത്തിന് സാധിച്ചത്. കൊല്ക്കത്തയ്ക്ക് വേണ്ടി ഐ.പി.എല്ലില് 182 വിക്കറ്റും ചാമ്പ്യന്സ് ലീഗില് 18 വിക്കറ്റുമാണ് താരം നേടിയത്.
കൊല്ക്കത്തയ്ക്ക് വേണ്ടി മിന്നും പ്രകടനം കാഴ്ചവെച്ചത് മധ്യനരയില് ഇറങ്ങിയ വെങ്കിലേഷ് അയ്യരാണ്. 29 പന്തില് മൂന്ന് സിക്സും ഏഴ് ഫോറും ഉള്പ്പെടെ 60 റണ്സാണ് താരം നേടിയത്. താരത്തിന് പറമെ യുവ താരം അംകൃഷ് രഘുവംശി 32 പന്തില് നിന്ന് 5 സിക്സും 3 ഫോറും ഉള്പ്പെടെ 50 റണ്സാണ് താരം നേടിയത്. ക്യാപ്റ്റന് രഹാനെ 38 റണ്സും നേടിയാണ് പുറത്തായത്.
ഹൈദരാബാദിന് വേണ്ടി മുഹമ്മദ് ഷമി, സീഷന് അന്സാരി, കാമിന്ദു മെന്ഡിസ്, ഹര്ഷല് പട്ടേല്, പാറ്റ് കമ്മിന്സ് എന്നിവര് ഓരോ വിക്കറ്റ് വീതം വീഴ്ത്തി.
