ഐ.പി.എല് ചരിത്രത്തിലെ ഏറ്റവുമുയര്ന്ന മൂന്നാമത് സ്കോറാണിത്. ഈ റെക്കോഡ് നേട്ടത്തിലെ ആദ്യ നാല് സ്ഥാനങ്ങളിലും സണ്റൈസേഴ്സ് തന്നെയാണ് നിലയുറപ്പിച്ചിരിക്കുന്നത്.
മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ സണ്റൈസേഴ്സിന് മികച്ച തുടക്കമാണ് ട്രവിഷേക് സഖ്യം സമ്മാനിച്ചത്. ആദ്യ വിക്കറ്റില് 92 റണ്സ് കൂട്ടിച്ചേര്ത്ത് ഇരുവരും സ്കോറിങ്ങിന് അടിത്തറയൊരുക്കി.
16 പന്തില് 32 റണ്സ് നേടിയ അഭിഷേക് ശര്മയെ പുറത്താക്കി സുനില് നരെയ്നാണ് ഡിഫന്ഡിങ് ചാമ്പ്യന്മാര്ക്ക് ആദ്യ ബ്രേക് ത്രൂ സമ്മാനിച്ചത്. റിങ്കു സിങ്ങിന്റെ കൈകളിലൊതുങ്ങിയായിരുന്നു ശര്മയുടെ മടക്കം.
വണ് ഡൗണായെത്തിയ ക്ലാസന്റെ വെടിക്കെട്ടിനാണ് ഫിറോസ് ഷാ കോട്ല ശേഷം സാക്ഷ്യം വഹിച്ചത്. ഒരു വശത്ത് നിന്ന് ക്ലാസനും മറുവശത്ത് നിന്ന് ട്രാവിസ് ഹെഡും നൈറ്റ് റൈഡേഴ്സ് ബൗളര്മാരെ മാറി മാറി തല്ലിയൊതുക്കി.
92ല് ഒന്നിച്ച ഈ കൂട്ടുകെട്ട് തരുന്നത് 175ലാണ്. 40 പന്തില് 76 റണ്സ് നേടിയ മീശക്കാരന് തലയെ മടക്കി സുനില് നരെയ്ന് വീണ്ടും കൊല്ക്കത്തയ്ക്ക് ശ്വാസം നല്കി.
