![?php echo $post['title']; ?>](https://assets.doolnews.com/w/900x473/2025/05/henric-klaassan.jpg)
സീസണിലെ അവസാന മത്സരം വിജയിച്ചുകൊണ്ട് പടിയിറങ്ങാനാണ് സണ്‍റൈസേഴ്‌സ് ഹൈദരാബാദ് ഒരുങ്ങുന്നത്. ഡിഫന്‍ഡിങ് ചാമ്പ്യന്‍മാരായ കൊല്‍ക്കത്ത നൈറ്റ് റൈഡേഴ്‌സിനെതിരെ ദല്‍ഹി അരുണ്‍ ജെയ്റ്റ്‌ലി സ്റ്റേഡിയത്തില്‍ നടക്കുന്ന മത്സരത്തില്‍ 278 റണ്‍സിന്റെ പടുകൂറ്റന്‍ ടോട്ടലാണ് സണ്‍റൈസേഴ്‌സ് അടിച്ചെടുത്തത്.
Innings Break!#SRH register #TATAIPL‘s third-highest total courtesy of Heinrich Klaasen’s blazing ton! 🧡
Will #KKR chase it down and rewrite history?
Scorecard ▶ https://t.co/4Veibn1bOs #TATAIPL | #SRHvKKR pic.twitter.com/zxPKCjDII8
— IndianPremierLeague (@IPL) May 25, 2025
ഹെന്‌റിക് ക്ലാസന്റെ സെഞ്ച്വറിയും ട്രാവിസ് ഹെഡിന്റെ വെടിക്കെട്ട് പ്രകടനവുമാണ് സണ്‍റൈസേഴ്‌സിന് മികച്ച ടോട്ടല്‍ സമ്മാനിച്ചത്. ഈ സീസണിലെ ഏറ്റവുമുയര്‍ന്ന രണ്ടാമത് ടോട്ടലിന്റെ റെക്കോഡും സ്വന്തമാക്കിയാണ് സണ്‍റൈസേഴ്‌സ് സീസണിലെ അവസാന ഇന്നിങ്‌സും ബാറ്റ് ചെയ്ത് അവസാനിപ്പിച്ചത്.
ഏഴ് ഫോറും ഒമ്പത് സിക്‌സറും ഉള്‍പ്പടെ 39 പന്തില്‍ പുറത്താകാതെ 105 റണ്‍സ് നേടിയാണ് ക്ലാസന്‍ നൈറ്റ് റൈഡേഴ്‌സ് ബൗളിങ് യൂണിറ്റിന് മേല്‍ കാട്ടുതീയായിപ്പടര്‍ന്നത്. 17ാം പന്തില്‍ അര്‍ധ സെഞ്ച്വറി പൂത്തിയാക്കിയ താരം 37ാം പന്തില്‍ സെഞ്ച്വറിയും പൂര്‍ത്തിയാക്കി.
View this post on Instagram
ഇതോടെ പല നേട്ടങ്ങളും ക്ലാസന്റെ പേരില്‍ കുറിക്കപ്പെട്ടു. ഐ.പി.എല്‍ ചരിത്രത്തിലെ ഏറ്റവും വേഗമേറിയ മൂന്നാമത് സെഞ്ച്വറിയുടെയും ഒരു സണ്‍റൈസേഴ്‌സ് താരത്തിന്റെ ഏറ്റവും വേഗതയേറിയ സെഞ്ച്വറിയുമാണ് ക്ലാസന്റെ ബാറ്റില്‍ നിന്നും പിറവിയെടുത്തത്.
View this post on Instagram
ഐ.പി.എല്‍ ചരിത്രത്തിലെ വേഗമേറിയ സെഞ്ച്വറികള്‍
(താരം – ടീം – എതിരാളികള്‍ – സെഞ്ച്വറി പൂര്‍ത്തിയാക്കാന്‍ നേരിട്ട പന്തുകള്‍ – വര്‍ഷം എന്നീ ക്രമത്തില്‍)
ക്രിസ് ഗെയ്ല്‍ – റോയല്‍ ചലഞ്ചേഴ്‌സ് ബെംഗളൂരു – പൂനെ വാറിയേഴ്‌സ് ഇന്ത്യ – 30 – 2013
വൈഭവ് സൂര്യവംശി – രാജസ്ഥാന്‍ റോയല്‍സ് – ഗുജറാത്ത് ടൈറ്റന്‍സ് – 35 – 2025
ഹെന്‌റിക് ക്ലാസന്‍ – സണ്‍റൈസേഴ്‌സ് ഹൈദരാബാദ് – കൊല്‍ക്കത്ത നൈറ്റ് റൈഡേഴ്‌സ് – 37 – 2025*
യൂസുഫ് പത്താന്‍ – രാജസ്ഥാന്‍ റോയല്‍സ് – മുംബൈ ഇന്ത്യന്‍സ് – 37 – 2010
ഡേവിഡ് മില്ലര്‍ – കിങ്‌സ് ഇലവന്‍ പഞ്ചാബ് – റോയല്‍ ചലഞ്ചേഴ്‌സ് ബെംഗളൂരു – 38 – 2013
View this post on Instagram
ഐ.പി.എല്ലില്‍ ഒരു സണ്‍റൈസേഴ്‌സ് താരത്തിന്റെ ഏറ്റവും വേഗമേറിയ സെഞ്ച്വറി
(താരം -എതിരാളികള്‍ – സെഞ്ച്വറി പൂര്‍ത്തിയാക്കാന്‍ നേരിട്ട പന്തുകള്‍ – വര്‍ഷം എന്നീ ക്രമത്തില്‍)
ഹെന്‌റിക് ക്ലാസന്‍ – കൊല്‍ക്കത്ത നൈറ്റ് റൈഡേഴ്‌സ് – 37 – 2025*
ട്രാവിസ് ഹെഡ് – റോയല്‍ ചലഞ്ചേഴ്‌സ് ബെംഗളൂരു – 39 – 2024
അഭിഷേക് ശര്‍മ – പഞ്ചാബ് കിങ്‌സ് – 40 – 2025
ഡേവിഡ് വാര്‍ണര്‍ – കൊല്‍ക്കത്ത നൈറ്റ് റൈഡേഴ്‌സ് – 43 – 2017
ഇഷാന്‍ കിഷന്‍ – രാജസ്ഥാന്‍ റോയല്‍സ് – 45 – 2025
അതേസമയം, മറുപടി ബാറ്റിങ്ങിനിറങ്ങിയ നൈറ്റ് റൈഡേഴ്‌സ് പത്ത് ഓവര്‍ പിന്നിടുമ്പോള്‍ അഞ്ച് വിക്കറ്റില്‍ 81 റണ്‍സ് എന്ന നിലയിലാണ്. ശേഷിക്കുന്ന 60 പന്തില്‍ നിന്നും 198 റണ്‍സാണ് കൊല്‍ക്കത്തയ്ക്ക് വിജയിക്കാന്‍ ആവശ്യമുള്ളത്.
Content highlight: IPL 2025: SRH vs KKR: Henrich Klaasen becomes the fastest centurion for Sunrisers Hyderabad
