ഐ.പി.എല്ലില് രാജസ്ഥാന് റോയല്സിനെതിരെ 286 റണ്സിന്റെ ടോട്ടലുമായാണ് സണ്റൈസേഴ്സ് ഹൈദരാബാദ് സീസണിലെ ആദ്യ മത്സരത്തില് തിളങ്ങിയത്. സ്വന്തം തട്ടകമായ രാജീവ് ഗാന്ധി അന്താരാഷ്ട്ര സ്റ്റേഡിയത്തില് നടക്കുന്ന മത്സരത്തില് ഇഷാന് കിഷന്റെ സെഞ്ച്വറി കരുത്തിലാണ് സണ്റൈസേഴ്സ് റണ്മല പടുത്തുയര്ത്തിയത്.
ഐ.പി.എല് ചരിത്രത്തിലെ ഏറ്റവുമുയര്ന്ന രണ്ടാമത് ടീം ടോട്ടലിന്റെ റെക്കോഡും ഈ മത്സരത്തിന് പിന്നാലെ സണ്റൈസേഴ്സ് സ്വന്തമാക്കി. വെറും ഒരു റണ്സിനാണ് ഒന്നാം സ്ഥാനത്തുള്ള സ്വന്തം റെക്കോഡ് ഓറഞ്ച് ആര്മിക്ക് നഷ്ടമായത്.
Innings Break!@SunRisers register the second-highest total in #TATAIPL history putting up 286/6 on the board 😮🔥
അതേസമയം, സണ്റൈസേഴ്സിനെതിരെ വിജയിക്കാന് സാധിച്ചാല് ഐ.പി.എല്ലിന്റെ ചരിത്രത്തിലെ ഏറ്റവുമുയര്ന്ന ടീം ടോട്ടലിന്റെ റെക്കോഡ് തങ്ങളുടെ പേരിലാക്കാന് രാജസ്ഥാന് സാധിക്കും.
സണ്റൈസേഴ്സ് ഹൈദരാബാദ് – ദല്ഹി ക്യാപ്പിറ്റല്സ് – 266/7 – 2024
മത്സരത്തില് ടോസ് നേടിയ രാജസ്ഥാന് നായകന് റിയാന് പരാഗ് എതിരാളികളെ ബാറ്റിങ്ങിനയക്കുകയായിരന്നു. രാജസ്ഥാന് ബൗളര്മാരെ തല്ലിയൊതുക്കിയാണ് സണ്റൈസേഴ്സ് സീസണിലെ ആദ്യ മത്സരം ആരംഭിച്ചത്. ഹൈദരാബാദിനെ ബാറ്റിങ് പറുദീസയാക്കി ട്രാവിസ് ഹെഡും അഭിഷേക് ശര്മയും ചേര്ന്ന് വെടിക്കെട്ട് നടത്തി.
ആദ്യ വിക്കറ്റില് 45 റണ്സാണ് ട്രവിഷേക് സഖ്യം അടിച്ചെടുത്തത്. നാലാം ഓവറിലെ ആദ്യ പന്തില് അഭിഷേകിനെ പുറത്താക്കി മഹീഷ് തീക്ഷണയാണ് രാജസ്ഥാന് ബ്രേക് ത്രൂ നല്കിയത്. 11 പന്ത് നേരിട്ട് അഞ്ച് ബൗണ്ടറിയുടെ അകമ്പടിയോടെ 24 റണ്സാണ് താരം നേടിയത്.
വണ് ഡൗണായെത്തിയ ഇഷാന് കിഷനെ ഒപ്പം കൂട്ടിയും ഹെഡ് തന്റെ നാച്ചുറല് അറ്റാക്കിങ് ഗെയിം പുറത്തെടുത്തു. ജോഫ്രാ ആര്ച്ചര് എറിഞ്ഞ അഞ്ചാം ഓവറില് നാല് ഫോറടക്കം 23 റണ്സാണ് ഹെഡ് അടിച്ചെടുത്തത്. ആറാം ഓവറില് 16 റണ്സും പിറന്നതോടെ ഒരു വിക്കറ്റ് നഷ്ടത്തില് 94 എന്ന നിലയിലാണ് സണ്റൈസേഴ്സ് പവര്പ്ലേ അവസാനിപ്പിച്ചത്.
ഒടുവില് നിശ്ചിത ഓവറില് ആറ് വിക്കറ്റ് നഷ്ടത്തില് 286 എന്ന നിലയില് സണ്റൈസേഴ്സ് ഇന്നിങ്സ് അവസാനിപ്പിച്ചു.
രാജസ്ഥാനായി തുഷാര് ദേശ്പാണ്ഡേ മൂന്ന് വിക്കറ്റ് നേടി. മഹീഷ് തീക്ഷണ രണ്ട് വിക്കറ്റെടുത്തപ്പോള് സന്ദീപ് ശര്മ ഒരു വിക്കറ്റും നേടി.
മറുപടി ബാറ്റിങ്ങിനിറങ്ങിയ രാജസ്ഥാന് തുടക്കം പിഴച്ചു. സിമര്ജീത് സിങ്ങെറിഞ്ഞ രണ്ടാം ഓവറില് തന്നെ യശസ്വി ജെയ്സ്വാളിനെയും ക്യാപ്റ്റന് റിയാന് പരാഗിനെയും ടീമിന് നഷ്ടമായി. ജെയ്സ്വാള് അഞ്ച് പന്തില് ഒരു രണ്സ് നേടിയപ്പോള് നാല് റണ്ണാണ് ക്യാപ്റ്റന് നേടാനായത്.
𝐒𝐭𝐫𝐢𝐤𝐞 𝐱 2️⃣
A double-wicket over from Simarjeet Singh on his #SRH debut gives them the perfect start 🔥
നിലവില് നാല് ഓവര് പിന്നിടുമ്പോള് രണ്ട് വിക്കറ്റ് നഷ്ടത്തില് 50 റണ്സ് എന്ന നിലയിലാണ് രാജസ്ഥാന്. 10 28 റണ്സുമായി ഇംപാക്ട് പ്ലെയറായെത്തിയ സഞ്ജു സാംസണും ഏഴ് പന്തില് 11 റണ്സുമായി നിതീഷ് കുമാര് റെഡ്ഡിയുമാണ് ക്രീസില്.
