ഐ.പി.എല് 2025ലെ 62ാം മത്സരത്തില് രാജസ്ഥാന് റോയല്സ് ചെന്നൈ സൂപ്പര് കിങ്സിനെ നേരിടുകയാണ്. ദല്ഹി അരുണ് ജെയ്റ്റ്ലി സ്റ്റേഡിയത്തില് നടക്കുന്ന മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ സൂപ്പര് കിങ്സ് ആയുഷ് മാഹ്ത്രെ, ഡെവാള്ഡ് ബ്രെവിസ് എന്നിവരുടെ കരുത്തില് 187 റണ്സ് നേടി.
മറുപടി ബാറ്റിങ്ങിനിറങ്ങിയ രാജസ്ഥാന് റോയല്സിനായി യശസ്വി ജെയ്സ്വാളും വൈഭവ് സൂര്യവംശിയുമാണ് ഇന്നിങ്സ് ഓപ്പണ് ചെയ്തത്. ഖലില് അഹമ്മദെറിഞ്ഞ ആദ്യ ഓവറിലെ ആദ്യ പന്ത് തന്നെ ഫോറടിച്ചുകൊണ്ട് ജെയ്സ്വാള് അക്കൗണ്ട് തുറന്നു.
ഇതോടെ ഒരു തകര്പ്പന് നേട്ടവും ജെയ്സ്വാള് സ്വന്തമാക്കി. ഒരു സീസണില് ഏറ്റവുമധികം തവണ ഇന്നിങ്സിലെ ആദ്യ പന്തില് തന്നെ ബൗണ്ടറി നേടുന്ന താരമായാണ് ജെയ്സ്വാള് റെക്കോഡിട്ടത്. സീസണില് ഇത് അഞ്ചാം തവണയാണ് ബൗണ്ടറിയടിച്ച് ജെയ്സ്വാള് ഇന്നിങ്സ് ആരംഭിക്കുന്നത്.
2023ലും ജെയ്സ്വാള് ഇത്തരത്തില് അഞ്ച് മത്സരങ്ങളില് ബൗണ്ടറിയടിച്ച് ഇന്നിങ്സ് തുടങ്ങിയിരുന്നു. 2014ല് വിരേന്ദര് സേവാഗിന്റെ പേരിലും ഇതേ റെക്കോഡ് കുറിക്കപ്പെട്ടിരുന്നു.
ഒരു സീസണില് ഏറ്റവുമധികം തവണ ഇന്നിങ്സിലെ ആദ്യ പന്ത് ബൗണ്ടറിയടിക്കുന്നന്ന താരം
(താരം – ടീം – ഇന്നിങ്സ് – വര്ഷം എന്നീ ക്രമത്തില്)
മികച്ച തുടക്കം സമ്മാനിച്ച് ജെയ്സ്വാള് നാലാം ഓവറിലെ നാലാം പന്തില് മടങ്ങി. ടീം സ്കോര് 37ല് നില്ക്കവെയായിരുന്നു താരത്തിന്റെ മടക്കം. രാജസ്ഥാന് ആകെ നേടിയ 37 റണ്സില് 36 റണ്സും ജെയ്സ്വാള് തന്നെയാണ് സ്വന്തമാക്കിയത്.
— Rajasthan Royals (@rajasthanroyals) May 20, 2025
അന്ഷുല് കാംബോജിന് വിക്കറ്റ് നല്കി മടങ്ങും മുമ്പ് അഞ്ച് ഫോറും രണ്ട് സിക്സറും അടക്കം 189.47 സ്ട്രൈക്ക് റേറ്റിലാണ് താരം സ്കോര് ചെയ്തത്.
നിലവില് ഏഴ് ഓവര് പിന്നിടുമ്പോള് ഒരു വിക്കറ്റ് നഷ്ടത്തില് 65 എന്ന നിലയിലാണ് രാജസ്ഥാന്. പത്ത് പന്തില് 12 റണ്സുമായി വൈഭവ് സൂര്യവംശിയും 13 പന്തില് 17 റണ്സുമായി സഞ്ജു സാംസണുമാണ് ക്രീസില്.
Content Highlight: IPL 2025: RR vs CSK: Yashasvi Jaiswal tops the list of most instances of hitting boundaries off the first ball of an innings in an IPL season
