ഐ.പി.എല് 2025ലെ തങ്ങളുടെ അവസാന മത്സരത്തില് വിജയം സ്വന്തമാക്കി രാജസ്ഥാന് റോയല്സ്. ദല്ഹി അരുണ് ജെയ്റ്റ്ലി സ്റ്റേഡിയത്തില് നടന്ന മത്സരത്തില് ആറ് വിക്കറ്റിന് പിങ്ക് ആര്മി ചെന്നൈ സൂപ്പര് കിങ്സിനെ പരാജയപ്പെടുത്തി.
മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ സൂപ്പര് കിങ്സിന് 15 റണ്സിനിടെ രണ്ട് വിക്കറ്റുകള് നഷ്ടപ്പെട്ടിരുന്നു. രണ്ടാം ഓവറിലെ നാലാം പന്തില് ഡെവോണ് കോണ്വേയെ സൂപ്പര് കിങ്സിന് നഷ്ടമായിരുന്നു. എട്ട് പന്തില് പത്ത് റണ്സ് നേടിയാണ് കോണ്വേ പുറത്തായത്.
അതേ ഓവറിലെ ആറാം പന്തില് ഉര്വില് പട്ടേലിന്റെ വിക്കറ്റും ധോണിപ്പടയ്ക്ക് നഷ്ടമായി. സില്വര് ഡക്കായാണ് യുവതാരം മടങ്ങിയത്.
മൂന്നാം വിക്കറ്റില് ആര്. അശ്വിനെ കൂട്ടുപിടിച്ച് ആയുഷ് മാഹ്ത്രെ സ്കോര് ഉയര്ത്തി. അര്ധ സെഞ്ച്വറി കൂട്ടുകെട്ടുമായാണ് ഇരുവരും സൂപ്പര് കിങ്സിനെ തകര്ച്ചയില് നിന്നും കരകയറ്റിയത്.
രാജസ്ഥാന് റോയല്സിനായി ആകാശ് മധ്വാളും യുദ്ധ്വീര് സിങ്ങും മൂന്ന് വിതം വിക്കറ്റുകളും വാനിന്ദു ഹസരങ്ക, തുഷാര് ദേശ്പാണ്ഡേ എന്നിവര് ഓരോ വിക്കറ്റ് വീതവും നേടി.
— Rajasthan Royals (@rajasthanroyals) May 20, 2025
മറുപടി ബാറ്റിങ്ങിനിറങ്ങിയ രാജസ്ഥാന് റോയല്സിന് വെടിക്കെട്ട് തുടക്കമാണ് യശസ്വി ജെയ്സ്വാള് നല്കിയത്. ഒന്നിന് പിന്നാലെ ഒന്ന് എന്ന നിലയില് ബൗണ്ടറികളുമായി ജെയ്സ്വാള് കളം നിറഞ്ഞാടി.
— Rajasthan Royals (@rajasthanroyals) May 20, 2025
നാലാം ഓവറിലെ നാലാം പന്തിലാണ് ജെയ്സ്വാളിനെ രാജസ്ഥാന് നഷ്ടമാകുന്നത്. ടീം സ്കോര് 37ല് നില്ക്കവെ 19 പന്തില് 36 റണ്സുമായി ജെയ്സ്വാള് മടങ്ങി. അന്ഷുല് കാംബോജാണ് വിക്കറ്റ് വീഴ്ത്തിയത്.
പിന്നാലെയെത്തിയ ക്യാപ്റ്റന് സഞ്ജു സാംസണെ ഒപ്പം കൂട്ടി വൈഭവ് സൂര്യവംശി തകര്ത്തടിച്ചു. രണ്ടാം വിക്കറ്റില് 98 റണ്സിന്റെ കൂട്ടുകെട്ടാണ് ഇരുവരും ചേര്ന്ന് പടുത്തുയര്ത്തിയത്.
അതേ ഓവറില് വൈഭവിനെയും പുറത്താക്കി അശ്വിന് രാജസ്ഥാന്റെ നെറുകില് അടുത്ത പ്രഹരവുമേല്പ്പിച്ചു. 33 പന്തില് 57 റണ്സുമായാണ് വൈഭവ് കളം വിട്ടത്.
This was the stage and you made it yours. Thank you for showing the world what you’re made of, Vaibhav 🔥 pic.twitter.com/b0jVn0KeXP
— Rajasthan Royals (@rajasthanroyals) May 20, 2025
സെറ്റ് ബാറ്റര്മാര് രണ്ട് പേരും കളംവിട്ടതോടെ രാജസ്ഥാന് സമ്മര്ദത്തിലായി. റിയാന് പരാഗ് നാല് പന്തില് മൂന്ന് റണ്സിന് പുറത്തായതോടെ ആ സമ്മര്ദം ഇരട്ടിയായി.
