ഐ.പി.എല് പതിനെട്ടാം സീസണിലെ ആദ്യ ഫൈനലിസ്റ്റുകളായിരിക്കുകയാണ് റോയല് ചലഞ്ചേഴ്സ് ബെംഗളൂരു. കരുത്തരായ പഞ്ചാബിനെ അവരുടെ തട്ടകമായ മുല്ലാന്പൂരില് 60 പന്ത് ബാക്കി നില്ക്കെ എട്ട് വിക്കറ്റിനാണ് ബെംഗളൂരു പരാജയപ്പെടുത്തിയത്. ബെംഗളൂരു ക്വാളിഫയറില് നേടുന്ന ഏറ്റവും വലിയ വിജയമാണിത്.
മത്സരത്തില് ടോസ് നഷ്ടപ്പെട്ട് ബാറ്റിങ്ങിനെത്തിയ പഞ്ചാബിനെ 101 റണ്സില് ഒതുക്കുകയായിരുന്നു ബെംഗളൂരു. മറുപടി ബാറ്റിങ്ങില് രണ്ട് വിക്കറ്റ് മാത്രം നഷ്ടപ്പെടുത്തി ആര്.സി.ബി 106 റണ്സ് നേടി വിജയലക്ഷ്യം മറികടക്കുകയായിരുന്നു.
Rising to the occasion ✨
Suyash Sharma wins the Player of the Match award for his web-spinning spell 🕸️👏
Relive his superb performance ▶️ https://t.co/1SDOOs5TgO#TATAIPL | #PBKSvRCB | #Qualifier1 | #TheLastMile | @RCBTweets pic.twitter.com/8fAdYdloQv
— IndianPremierLeague (@IPL) May 29, 2025
ഇതോടെ ബെംഗളൂരു മറ്റൊരു ചരിത്ര റെക്കോഡിലും എത്തിച്ചേര്ന്നിരിക്കുകയാണ്. ഐ.പി.എല്ലിലെ ഒരു സീസണില് ബെംഗളൂരുവിന്റെ 10ാം വിജയമാണിത്. ഇതോടെ ഒരു ഐ.പി.എല് സീസണില് ബെംഗളൂരു നേടുന്ന ഏറ്റവും കൂടുതല് വിജയം എന്ന നേട്ടത്തിലാണ് ക്യാപ്റ്റന് രജത് പാടിദാര് ടീമിനെ കൊണ്ടെത്തിച്ചത്. ഇതിന് മുമ്പ് 2011ലാണ് ബെംഗളൂരു ഒരു സീസണില് 10 വിജയം സ്വന്തമാക്കുന്നത്.
2025 – 10*
2011 – 10
2009 – 9
2013 – 9
2016 – 9
2021 – 9
2022 – 9
Say Hello to the first 𝐅𝐈𝐍𝐀𝐋𝐈𝐒𝐓𝐒 of #TATAIPL 2025 ❤#RCB fans, how elated are you? 🤩
Updates ▶ https://t.co/FhocIrg42l#PBKSvRCB | #Qualifier1 | #TheLastMile | @RCBTweets pic.twitter.com/gmnjZsFWxF
— IndianPremierLeague (@IPL) May 29, 2025
ഫില് സാള്ട്ടിന്റെ അര്ധ സെഞ്ച്വറി കരുത്തിലാണ് റോയല് ചലഞ്ചേഴ്സ് ഫൈനലിനുള്ള ടിക്കറ്റെടുത്തത്. 27 പന്തില് മൂന്ന് സിക്സും ആറ് ഫോറും ഉള്പ്പെടെ 207.41 എന്ന സ്ട്രൈക്ക് റേറ്റില് 56 റണ്സാണ് സാള്ട്ട് അടിച്ചെടുത്തത്. ബെംഗളൂരുവിന് വേണ്ടി മായങ്ക അഗര്വാള് 19 റണ്സും ക്യാപ്റ്റന് രജത് പാടിദര് 15 റണ്സും നേടി നിര്ണായകമായി. മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ പഞ്ചാബിന് തൊട്ടതെല്ലാം പാളിയിരുന്നു.
പവര്പ്ലേയില് ടീം സ്കോര് 50 കടക്കും മുമ്പേ നാല് പേര് കൂടാരം കയറി. 17 പന്തില് 26 റണ്സെടുത്ത് ടോപ് സ്കോററായ മാര്ക്കസ് സ്റ്റോയ്നിസാണ് സ്കോര് ബോര്ഡ് കുറച്ചെങ്കിലും ചലിപ്പിച്ചത്. താരത്തിന് പുറമെ പ്രഭ് സിമ്രാന് സിങ് (10 പന്തില് 18 ), അസ്മത്തുള്ള ഒമര്സായി (12 പന്തില് 18) എന്നിവര് ഒഴികെ മറ്റാരും രണ്ടക്കം കടന്നില്ല.
പരാജയപ്പെട്ടെങ്കിലും പഞ്ചാബിന്റെ പ്രതീക്ഷകള് അവസാനിച്ചിട്ടില്ല. ശ്രേയസിന്റെ ടീമിന് ഫൈനലില് എത്താന് ഒരു അവസരം കൂടിയുണ്ട്. രണ്ടാം ക്വാളിഫയറില് എലിമിനേറ്ററിലെ വിജയികളെ പരാജയപ്പെടുത്തിയാല് പഞ്ചാബിനും കന്നി കിരീടം സ്വപനം കാണാം. ഗുജറാത്തും പഞ്ചാബുമാണ് എലിമിനേറ്ററില് ഏറ്റുമുട്ടുന്നത്.
Content Highlight: IPL 2025: PBKS VS RCB: RCB Achieve Great Record Achievement In IPL History
