ഐ.പി.എല് 2025ലെ 41ാം മത്സരത്തില് മുംബൈ ഇന്ത്യന്സിനെതിരെ 144 റണ്സിന്റെ വിജയലക്ഷ്യമുയര്ത്തി സണ്റൈസേഴ്സ് ഹൈദരാബാദ്. സണ്റൈസേഴ്സിന്റെ ഹോം ഗ്രൗണ്ടായ ഉപ്പലിലെ രാജീവ് ഗാന്ധി അന്താരാഷ്ട്ര സ്റ്റേഡിയത്തില് നടക്കുന്ന മത്സരത്തിലാണ് ഹോം ടീം പണിപ്പെട്ടെങ്കിലും മോശമല്ലാത്ത സ്കോറിലേക്കുയര്ന്നത്.
14 റണ്സിന് ആദ്യ നാല് ബാറ്റര്മാരും തങ്ങളുടെ വിക്കറ്റുകള് കളഞ്ഞുകുളിച്ചപ്പോള് ഹെന്റിക് ക്ലാസന്റെയും അഭിനവ് മനോഹറിന്റെയും ചെറുത്തുനില്പ്പാണ് ടീമിനെ വന് നാണക്കേടില് നിന്നും കരകയറ്റിയത്.
ഈ വിക്കറ്റ് നേട്ടത്തിന് പിന്നാലെ ഒരു ചരിത്ര നേട്ടവും ഉനദ്കട്ടിന്റെ പേരില് കുറിക്കപ്പെട്ടിരുന്നു. തന്റെ ഐ.പി.എല് കരിയറിലെ നൂറാം വിക്കറ്റാണ് ഉനദ്കട് തന്റെ പേരിലെഴുതിച്ചേര്ത്തത്.
എന്നാല് ഇതിനൊപ്പം തന്നെ ഒരു അനാവശ്യ നേട്ടവും താരത്തിന്റെ പേരില് പിറവിയെടുത്തിരിക്കുകയാണ്. ഐ.പി.എല്ലില് നൂറ് വിക്കറ്റുകള് പൂര്ത്തിയാക്കാന് ഏറ്റവുമധികം മത്സരങ്ങള് കളിച്ച പേസര് എന്ന മോശം നേട്ടമാണ് ഉനദ്കട്ടിന്റെ പേരില് കുറിക്കപ്പെട്ടത്. കരിയറിലെ 106ാം ഇന്നിങ്സിലാണ് താരം നൂറാം ഐ.പി.എല് വിക്കറ്റ് നേടിയത്.
അതേസമയം, മുംബൈ ഇന്ത്യന്സിന് രണ്ടാം വിക്കറ്റും നഷ്ടമായിരിക്കുകയാണ്. 19 പന്തില് 22 റണ്സ് നേടിയ വില് ജാക്സാണ് പുറത്തായത്. സീഷന് അന്സാരിയെറിഞ്ഞ പത്താം ഓവറിലെ രണ്ടാം പന്തില് അഭിനവ് മനോഹറിന് ക്യാച്ച് നല്കിയായിരുന്നു താരത്തിന്റെ മടക്കം.
നിലവില് പത്ത് ഓവര് പൂര്ത്തിയാകുമ്പോള് 79/2 എന്ന നിലയിലാണ് മുംബൈ ഇന്ത്യന്സ്. 32 പന്തില് 45 റണ്സ് നേടിയ രോഹിത് ശര്മയും ഒരു പന്തില് ഒരു റണ്ണുമായി സൂര്യകുമാര് യാദവുമാണ് ക്രീസില്.
