സീസണിലെ തങ്ങളുടെ അവസാന ലീഗ് മത്സരത്തിനാണ് പഞ്ചാബ് കിങ്സും മുംബൈ ഇന്ത്യന്സും കളത്തിലിറങ്ങിയിരിക്കുന്നത്. ജയ്പൂരിലെ സവായ് മാന്സിങ് സ്റ്റേഡിയത്തില് നടക്കുന്ന മത്സരത്തില് ടോസ് നേടിയ പഞ്ചാബ് എതിരാളികളെ ബാറ്റിങ്ങിനയച്ചു.
വിജയിക്കുന്ന ടീമിന് പോയിന്റ് പട്ടികയില് ആദ്യ സ്ഥാനത്തെത്താനും ആദ്യ ക്വാളിഫയര് കളിക്കാനും സാധിക്കുമെന്നതിനാല് വിജയം മാത്രം പ്രതീക്ഷിച്ചാണ് ഇരുവരും കളത്തിലിറങ്ങുന്നത്.
ഈ മത്സരത്തില് ഒരു ചരിത്ര നേട്ടം തന്റെ പേരില് എഴുതിച്ചേര്ത്താണ് രോഹിത് ശര്മ തന്റെ ടി-20 കരിയറിനെ അടുത്ത തലത്തിലേക്കെത്തിച്ചിരിക്കുന്നത്. പഞ്ചാബിനെതിരെ നേടിയ രണ്ടാം ഫോറിന് പിന്നാലെയാണ് രോഹിത് കരിയറിലെ മറ്റൊരു സുപ്രധാന നാഴികക്കല്ല് പിന്നിട്ടത്.
ടി-20 ഫോര്മാറ്റില് 1,100 ഫോറുകള് നേടുന്ന താരങ്ങളുടെ ലിസ്റ്റിലാണ് രോഹിത് ഇടം നേടിയത്. ഈ റെക്കോഡിലെത്തുന്ന പത്താം താരവും മൂന്നാമത് മാത്രം ഇന്ത്യന് താരവുമാണ് ഹിറ്റ്മാന്.
വിരാട് കോഹ്ലി (1195), ശിഖര് ധവാന് (1108) എന്നിവരാണ് ഇതിന് മുമ്പ് ഈ നേട്ടത്തിലെത്തിയത്.
(താരം – ഇന്നിങ്സ് – ഫോര് എന്നീ ക്രമത്തില്)
അലക്സ് ഹേല്സ് – 492 – 1497
ഡേവിഡ് വാര്ണര് – 409- 1352
ജെയിംസ് വിന്സ് – 418 – 1342
ബാബര് അസം – 309 – 1196
വിരാട് കോഹ്ലി – 394 – 1195
ജോസ് ബട്ലര് – 422 – 1146
ക്രിസ് ഗെയ്ല് – 455 – 1132
ശിഖര് ധവാന് – 331 – 1108
ജേസണ് റോയ് – 382 – 1102
രോഹിത് ശര്മ – 448* – 1100*
അതേസമയം, മത്സരത്തില് 22 റണ്സുമായി രോഹിത് ശര്മ പുറത്തായിരിക്കുകയാണ്. 21 പന്ത് നേരിട്ടാണ് താരം പുറത്തായത്. രണ്ട് ഫോറും ഒരു സിക്സറും അടക്കം 114.29 സ്ട്രൈക്ക് റേറ്റിലാണ് രോഹിത് സ്കോര് ചെയ്തത്.
നിലവില് പത്ത് ഓവര് പിന്നിടുമ്പോള് രണ്ട് വിക്കറ്റ് നഷ്ടത്തില് 83 എന്ന നിലയിലാണ് മുംബൈ. 20 പന്തില് 27 റണ്സ് നേടിയ റിയാന് രിക്കല്ടണിന്റെ വിക്കറ്റാണ് ടീമിന് നേരത്തെ നഷ്ടമായത്.
17 പന്തില് 28 റണ്സുമായി സൂര്യകുമാര് യാദവും രണ്ട് പന്തില് ഒരു റണ്ണുമായി തിലക് വര്മയുമാണ് ക്രീസില്.
മുംബൈ ഇന്ത്യന്സ് പ്ലെയിങ് ഇലവന്
രോഹിത് ശര്മ, റിയാന് റിക്കല്ടണ് (വിക്കറ്റ് കീപ്പര്), വില് ജാക്സ്, സൂര്യകുമാര് യാദവ്, തിലക് വര്മ, ഹര്ദിക് പാണ്ഡ്യ (ക്യാപ്റ്റന്), നമന് ധിര്, മിച്ചല് സാന്റ്നര്, ദീപക് ചഹര്, ട്രെന്റ് ബോള്ട്ട്, ജസ്പ്രീത് ബുംറ.
പഞ്ചാബ് കിങ്സ് പ്ലെയിങ് ഇലവന്
പ്രിയാന്ഷ് ആര്യ, ജോഷ് ഇംഗ്ലിസ് (വിക്കറ്റ് കീപ്പര്), ശ്രേയസ് അയ്യര് (ക്യാപ്റ്റന്), നേഹല് വധേര, ശശാങ്ക് സിങ്, മാര്കസ് സ്റ്റോയ്നിസ്, മാര്കോ യാന്സെന്, ഹര്പ്രീത് ബ്രാര്, കൈല് ജാമൈസണ്, വൈശാഖ് വിജയ് കുമാര്, അര്ഷ്ദീപ് സിങ്.
Content Highlight: IPL 2025: MI vs PBKS: Rohit Sharma becomes 3rd Indian batter to complete 1100 fours in T20