ഐ.പി.എല്ലില് മുന് ചാമ്പ്യന്മാരായ മുംബൈ ഇന്ത്യന്സ് തുടര്ച്ചയായ രണ്ടാം ജയം ലക്ഷ്യമിട്ട് ഇന്ന് കളത്തിലിറങ്ങും. എകാന ക്രിക്കറ്റ് സ്റ്റേഡിയത്തില് നടക്കുന്ന മത്സരത്തില് ലഖ്നൗ സൂപ്പര് ജയന്റ്സാണ് എതിരാളികള്. പോയിന്റ് ടേബിളില് മുംബൈ ആറാം സ്ഥാനത്തും സൂപ്പര് ജയന്റ്സ് ഏഴാം സ്ഥാനത്തുമാണ്.
Ready for bhaukaal 😎🔥#MumbaiIndians #PlayLikeMumbai #TATAIPL #LSGvMI pic.twitter.com/TEdp4JQxdP
— Mumbai Indians (@mipaltan) April 4, 2025
സീസണില് സണ്റൈസേഴ്സ് ഹൈദരാബാദിനോട് മാത്രമാണ് ലഖ്നൗവിന് വിജയം സ്വന്തമാക്കാനായത്. അവസാന മത്സരത്തില് പഞ്ചാബ് കിങ്സിനോട് തോറ്റ പന്തിന്റെ സംഘം വിജയവഴിയില് തിരിച്ചെത്താനാണ് ഉന്നമിടുന്നത്. ക്യാപ്റ്റന് റിഷബ് പന്തിന്റെ ഫോം ലഖ്നൗവിന് ആശങ്കയായി തുടരുമ്പോള് പേസര് ആകാശ് ദീപിന്റെ തിരിച്ച് വരവ് ആശ്വാസമാണ്.
അതേസമയം, സീസണിലെ ആദ്യ രണ്ട് മത്സരങ്ങളില് പരാജയപ്പെട്ട മുംബൈ ഇന്ത്യന്സ് കഴിഞ്ഞ മത്സരത്തില് കൊല്ക്കത്ത നൈറ്റ് റൈഡേഴ്സിനെ തോല്പ്പിച്ചിരുന്നു. തുടര്ച്ചയായ രണ്ടാം വിജയത്തോടൊപ്പം പോയിന്റ് ടേബിളില് മുന്നേറുകയുമാണ് മുന് ചാമ്പ്യന്മാരുടെ ലക്ഷ്യം. മുംബൈക്കായി സൂര്യകുമാര് യാദവും തിലക് വര്മയും മാത്രമാണ് മികച്ച പ്രകടനങ്ങള് കാഴ്ചവെക്കുന്നത്.
