ഐ.പി.എല് 2025ന്റെ എലിമിനേറ്ററിനാണ് കളമൊരുങ്ങുന്നത്. ന്യൂ ചണ്ഡിഗഡിലെ മഹാരാജ യാദവീന്ദ്ര സിങ് അന്താരാഷ്ട്ര സ്റ്റേഡിയത്തില് നടക്കുന്ന മത്സരത്തില് പോയിന്റ് പട്ടികയിലെ മൂന്നാം സ്ഥാനക്കാരായ ഗുജറാത്ത് ടൈറ്റന്സ് നാലാം സ്ഥാനക്കാരായ മുംബൈ ഇന്ത്യന്സിനെ നേരിടും.
ഈ മത്സരത്തില് പരാജയപ്പെടുന്നവര് പുറത്താകുമെന്നതിനാല് ഇരു ടീമും തങ്ങളുടെ നൂറ് ശതമാനവും പുറത്തെടുത്താകും മുല്ലാന്പൂരിലിറങ്ങുക.
കരുത്തരുടെ പോരാട്ടത്തില് ഇരു ടീമുകള്ക്കും തങ്ങളുടേതായ ദൗര്ബല്യങ്ങളുമുണ്ട്. ടൈറ്റന്സിനെ സംബന്ധിച്ച് അത് ഫോമിലേക്കുയരാന് സാധിക്കാത്ത റാഷിദ് ഖാനാണ്.
14 മത്സരത്തില് നിന്നും 53.66 ശരാശരിയിലും 34.00 സ്ട്രൈക്ക് റേറ്റിലും ഒമ്പത് വിക്കറ്റ് മാത്രമാണ് അഫ്ഗാന്റെ സ്പിന് വിസാര്ഡിന് സ്വന്തമാക്കാന് സാധിച്ചത്. 25/2 ആണ് മികച്ച ബൗളിങ് പ്രകടനം. താരത്തിന്റെ എക്കോണമിയാകട്ടെ പത്തിനോട് അടുപ്പിച്ചും.
റാഷിദ് ഖാന്റെ പതനം വ്യക്തമാക്കുന്ന ഒരു അനാവശ്യ റെക്കോഡും ഈ സീസണില് പിറവിയെടുത്തിട്ടുണ്ട്. ഒരു ഐ.പി.എല് സീസണില് ഏറ്റവുമധികം സിക്സര് വഴങ്ങുന്ന ബൗളര് എന്ന മോശം റെക്കോഡിലാണ് റാഷിദ് ഒന്നാം സ്ഥാനത്ത് നില്ക്കുന്നത്. ഈ സീസണില് 31 സിക്സറാണ് താരം ഇതുവരെ വിട്ടുകൊടുത്തത്.
2022 സീസണില് മുഹമ്മദ് സിറാജും 31 സിക്സര് വഴങ്ങിയിരുന്നു.
ഇന്ന് നടക്കുന്ന എലിമിനേറ്ററില് റാഷിദിന്റെ പന്തില് ഏതെങ്കിലുമൊരു മുംബൈ താരം സിക്സര് നേടുകയാണെങ്കില് ഈ അനാവശ്യ നേട്ടത്തില് സിറാജിനെ മറികടന്ന് ടൈറ്റന്സ് താരം ഒന്നാമനാവുകയും ചെയ്യും.
(താരം – ടീം – വഴങ്ങിയ സിക്സര് – വര്ഷം എന്നീ ക്രമത്തില്)
റാഷിദ് ഖാന് – ഗുജറാത്ത് ടൈറ്റന്സ് – 31 – 2025*
മുഹമ്മദ് സിറാജ് – റോയല് ചലഞ്ചേഴ്സ് ബംഗളൂരു – 31 – 2022
വാനിന്ദു ഹസരങ്ക – റോയല് ചലഞ്ചേഴ്സ് ബെംഗളൂരു – 30 – 2022
യൂസ്വേന്ദ്ര ചഹല് – രാജസ്ഥാന് റോയല്സ് – 30 – 2024
ഇ.എസ്.പി.എന് ക്രിക്ഇന്ഫോ ടി-20 ഫോര്മാറ്റിലെ ഏറ്റവും മികച്ച താരമായി റാഷിദ് ഖാനെ തെരഞ്ഞെടുത്ത സാഹചര്യത്തില് കൂടിയാണ് അഫ്ഗാന് സൂപ്പര് താരം മോശം പ്രകടനം ആവര്ത്തിക്കുന്നത് എന്നതും ശ്രദ്ധേയമാണ്.
അന്താരാഷ്ട്ര മത്സരങ്ങള്ക്ക് പുറമെ സി.പി.എല്, ഐ.പി.എല് അടക്കമുള്ള ഫ്രാഞ്ചൈസി ലീഗിലെ പ്രകടനം കൂടി കണക്കിലെടുത്താണ് ഇ.എസ്.പി.എന് ക്രിക്ഇന്ഫോ ടി-20 ചരിത്രത്തിലെ ഏറ്റവും മികച്ച വിക്കറ്റ് വേട്ടക്കാരനെ ഒന്നാമനായി തെരഞ്ഞെടുത്തത്.
1. റാഷിദ് ഖാന് (അഫ്ഗാനിസ്ഥാന്)
2. സുനില് നരെയ്ന് (വെസ്റ്റ് ഇന്ഡീസ്)
3. എ.ബി ഡി വില്ലിയേഴ്സ് (സൗത്ത് ആഫ്രിക്ക)
4. ലസിത് മലിംഗ (ശ്രീലങ്ക)
5. ആന്ദ്രേ റസല് (വെസ്റ്റ് ഇന്ഡീസ്)
6. ക്രിസ് ഗെയ്ല് (വെസ്റ്റ് ഇന്ഡീസ്)
4. ജസ്പ്രീത് ബുംറ (ഇന്ത്യ)
8. കെയ്റോണ് പൊള്ളാര്ഡ് (വെസ്റ്റ് ഇന്ഡീസ്)
9. ഷെയ്ന് വാട്സണ് (ഓസ്ട്രേലിയ)
10. ഡ്വെയ്ന് ബ്രാവോ (വെസ്റ്റ് ഇന്ഡീസ്)
11. ഡേവിഡ് വാര്ണര് (ഓസ്ട്രേലിയ)
12. ജോസ് ബട്ലര് (ഇംഗ്ലണ്ട്)
13. എം.എസ്. ധോണി (ഇന്ത്യ)
14. സൂര്യകുമാര് യാദവ് (ഇന്ത്യ)
15. ഫാഫ് ഡു പ്ലെസി (സൗത്ത് ആഫ്രിക്ക)
16. നിക്കോളാസ് പൂരന് (വെസ്റ്റ് ഇന്ഡീസ്)
17. ഗ്ലെന് മാക്സ്വെല് (ഓസ്ട്രേലിയ)
18. സുരേഷ് റെയ്ന (ഇന്ത്യ)
19. വിരാട് കോഹ്ലി (ഇന്ത്യ)
20. ഇമ്രാന് താഹിര് (സൗത്ത് ആഫ്രിക്ക)
21. ബ്രെണ്ടന് മക്കെല്ലം (ന്യൂസിലാന്ഡ്)
22. ജെയിംസ് വിന്സ് (ഇംഗ്ലണ്ട്)
23. ഡാന് ക്രിസ്റ്റ്യന് (ഓസ്ട്രേലിയ)
24. ഷാഹിദ് അഫ്രിദി (പാകിസ്ഥാന്)
25. ഭുവനേശ്വര് കുമാര് (ഇന്ത്യ)
Content Highlight: IPL 2025: MI vs GT: Rashid Khan tops an unwanted list of most 6s conceded in an IPL season