ഐ.പി.എല് 2025ലെ 16ാം മത്സരത്തില് മുംബൈ ഇന്ത്യന്സിനെതിരെ 203 റണ്സിന്റെ ടോട്ടല് പടുത്തുയര്ത്തി ലഖ്നൗ സൂപ്പര് ജയന്റ്സ്. സൂപ്പര് ജയന്റ്സിന്റെ ഹോം ഗ്രൗണ്ടായ എകാന സ്പോര്ട്സ് സിറ്റയില് നടക്കുന്ന മത്സരത്തില് ഇരു ടീമുകളും രണ്ടാം ജയം ലക്ഷ്യമിട്ടാണ് കളത്തിലിറങ്ങിയിരിക്കുന്നത്.
മിച്ചല് മാര്ഷിന്റെയും ഏയ്ഡന് മര്ക്രമിന്റെയും അര്ധ സെഞ്ച്വറികളുടെ ബലത്തിലാണ് ലഖ്നൗ മികച്ച സ്കോറിലെത്തിയത്.
ഈ ഇന്നിങ്സിന് പിന്നാലെ ഐ.പി.എല്ലില് 3,000 റണ്സെന്ന നാഴികക്കല്ല് പിന്നിടാനും മില്ലറിനായി. തന്റെ 128ാം ഐ.പി.എല് ഇന്നിങ്സിലാണ് താരം 3,000 എന്ന മാജിക്കല് മൈല്സ്റ്റോണ് പിന്നിട്ടത്. ഈ നേട്ടം സ്വന്തമാക്കുന്ന 28ാം താരമാണ് മില്ലര്.
ഐ.പി.എല്ലില് ഈ നേട്ടം സ്വന്തമാക്കുന്ന നാലാമത് സൗത്ത് ആഫ്രിക്കന് ബാറ്റര് എന്ന ചരിത്ര നേട്ടവും മില്ലര് സ്വന്തമാക്കി. ഇതിഹാസ താരം എ.ബി. ഡി വില്ലിയേഴ്സ് ഒന്നാമതുള്ള ലിസ്റ്റിലേക്കാണ് മില്ലറും കാലെടുത്ത് വെച്ചത്.
ഐ.പി.എല്ലില് ഏറ്റവുമധികം റണ്സ് നേടുന്ന പ്രോട്ടിയാസ് താരങ്ങള്
(താരം – ഇന്നിങ്സ് – റണ്സ് എന്നീ ക്രമത്തില്)
എ.ബി. ഡി വില്ലിയേഴ്സ് – 170 – 5,162
ഫാഫ് ഡു പ്ലെസി – 140 – 4,650
ക്വിന്റണ് ഡി കോക്ക് – 11 – 3,260
ഡേവിഡ് മില്ലര് – 128 – 3,010*
അതേസമയം, മറുപടി ബാറ്റിങ്ങിനിറങ്ങിയ മുംബൈ നിലവില് 11 ഓവര് പിന്നിടുമ്പോള് മൂന്ന് വിക്കറ്റ് നഷ്ടത്തില് 111 റണ്സ് എന്ന നിലയിലാണ്. 23 പന്തില് 37 റണ്സുമായി സൂര്യകുമാറും ഏഴ് പന്തില് ഒമ്പത് റണ്സുമായി തിലക് വര്മയുമാണ് ക്രീസില്.
