മത്സരത്തില് ടോസ് നേടിയ ഹൈദരാബാദ് ബൗളിങ് തെരഞ്ഞെടുക്കുകയായിരുന്നു. ആദ്യം ബാറ്റ് ചെയ്ത് ആറ് വിക്കറ്റ് നഷ്ടത്തില് 200 റണ്സ് നേടാനാണ് കൊല്ക്കത്തയ്ക്ക് സാധിച്ചത്. വിജയലക്ഷ്യം പിന്തുടര്ന്ന് ഇറങ്ങിയ ഉദയസൂര്യന്മാര് 16.4 ഓവറില് 120 റണ്സിന് ഓള് ഔട്ട് ആകുകയായിരുന്നു.
ഹൈദരാബാദിന് വമ്പന് തിരിച്ചടി നല്കിയാണ് കൊല്ക്കത്ത ബൗളിങ് തുടങ്ങിയത്. പവര്പ്ലെയില് മൂന്ന് വിക്കറ്റ് നഷ്ടത്തില് 33 റണ്സാണ് ഹൈദരാബാദിന് നേടാന് സാധിച്ചത്.
ബൗളിങ്ങില് ഇംപാക്ട് പ്ലെയറായി ഇറങ്ങിയ വൈഭവ് അറോറ ഒരു മെയ്ഡന് അടക്കം 29 റണ്സ് വിട്ടുകൊടുത്ത് മൂന്ന് വിക്കറ്റുകളാണ് നേടിയത്. ട്രാവിസ് ഹെഡ് (4), ഇഷാന് കിഷന് (2), ഹെന്റിച്ച് ക്ലാസന് (33) എന്നിവരെയാണ് താരം മടക്കിയയച്ചത്.
കൊല്ക്കത്തയ്ക്ക് വേണ്ടി മിന്നും പ്രകടനം കാഴ്ചവെച്ചത് മധ്യനരയില് ഇറങ്ങിയ വെങ്കിടേഷ് അയ്യരാണ്. 29 പന്തില് മൂന്ന് സിക്സും ഏഴ് ഫോറും ഉള്പ്പെടെ 60 റണ്സാണ് താരം നേടിയത്. താരത്തിന് പറമെ യുവ താരം അംകൃഷ് രഘുവംശി 32 പന്തില് നിന്ന് 5 സിക്സും 3 ഫോറും ഉള്പ്പെടെ 50 റണ്സാണ് താരം നേടിയത്. ക്യാപ്റ്റന് രഹാനെ 38 റണ്സ് നേടിയാണ് പുറത്തായത്.
