ഐ.പി.എല് 2025 പോയിന്റ് പട്ടികയിലെ അവസാന സ്ഥാനക്കാരുടെ പോരാട്ടം ചെപ്പോക് സ്റ്റേഡിയത്തില് തുടരുകയാണ്. സണ്റൈസേഴ്സിനെതിരായ മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ ചെന്നൈ സൂപ്പര് കിങ്സ് മികച്ച ടോട്ടല് പടുത്തുയര്ത്താനുള്ള ശ്രമത്തിലാണ്.
ഓപ്പണിങ് കോമ്പിനേഷനിലടക്കം മാറ്റം വരുത്തിയാണ് സൂപ്പര് കിങ്സ് സീസണിലെ ഒമ്പതാം മത്സരത്തിനിറങ്ങിയത്. ആയുഷ് മാഹ്ത്രെയും ഷെയ്ഖ് റഷീദുമാണ് ഇന്നിങ്സ് ഓപ്പണ് ചെയ്തത്. നേരിട്ട ആദ്യ പന്തില് തന്നെ ഷെയ്ഖ് റഷീദ് പുറത്തായെങ്കിലും ഒരു തകര്പ്പന് നേട്ടം ഇരുവരുടെയും പേരില് കുറിക്കപ്പെട്ടിരുന്നു.
2016ല് ദല്ഹി ഡെയര്ഡെവിള്സിനായി ഇന്നിങ്സ് ഓപ്പണ് ചെയ്ത സഞ്ജു സാംസണും റിഷബ് പന്തുമാണ് ഐ.പി.എല് ചരിത്രത്തിലെ ആദ്യ അണ്ടര് 21 ഓപ്പണിങ് പെയര്. ഇതിന് ശേഷം രണ്ട് ഓപ്പണിങ് ജോഡികളുടെ പേരിലും ഈ നേട്ടം കുറിക്കപ്പെട്ടു.
ഐ.പി.എല് ചരിത്രത്തിലെ അണ്ടര് 21 ഓപ്പണിങ് പെയര്
(താരങ്ങള് – ടീം – എതിരാളികള് – വര്ഷം എന്നീ ക്രമത്തില്)
അതേസമയം, ബാറ്റിങ് തുടരുന്ന സൂപ്പര് കിങ്സിന് ക്യാപ്റ്റന് എം.എസ്. ധോണിയുടെ വിക്കറ്റും നഷ്ടമായിരിക്കുകയാണ്. കരിയറിലെ 400ാം ടി-20 മത്സരത്തിനിറങ്ങിയ താരം പത്ത് പന്ത് നേരിട്ട് ആറ് റണ്സുമായാണ് മടങ്ങിയത്. ഹര്ഷല് പട്ടേലിന്റെ പന്തില് അഭിഷേക് ശര്മയ്ക്ക് ക്യാച്ച് നല്കിയായിരുന്നു താരത്തിന്റെ മടക്കം.
