ഒരു ട്വിസ്റ്റുമില്ല സര്‍പ്രൈസുമില്ല; എല്ലാം പ്രതീക്ഷിച്ച പോലെതന്നെ; സ്റ്റാന്‍ഡ്‌ബൈ ആയിട്ട് പോലും സഞ്ജു ഇല്ല!
സ്പോര്‍ട്സ് ഡെസ്‌ക്
Monday, 12th September 2022, 6:21 pm
അടുത്ത മാസം നടക്കുന്ന ട്വന്റി-20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു. 15 അംഗ സ്‌ക്വാഡിനെയാണ് ബി.സി.സി.ഐ പ്രഖ്യാപിച്ചത്. രോഹിത് ശര്‍മ നയിക്കുന്ന ടീമിന്റെ ഉപനായകന്‍ കെ.എല്‍. രാഹുലാണ്.
പരിക്കിനെ തുടര്‍ന്ന് ഏഷ്യാ കപ്പില്‍ കളിക്കാന്‍ സാധിക്കാതിരുന്ന സൂപ്പര്‍താരം ജസ്പ്രീത് ബുംറ ടീമില്‍ തിരിച്ചെത്തിയിട്ടുണ്ട്. ബുംറ നയിക്കുന്ന പേസ് അറ്റാക്കില്‍ എക്‌സ്പീരിയന്‍സ്ഡ് താരമായ ഭുവനേശ്വര്‍ കുമാറുമുണ്ടാകും. യുവ താരമായ അര്‍ഷ്ദീപ് സിങ്ങും ഹര്‍ഷല്‍ പട്ടേലുമാണ് ടീമിലെ മറ്റു പേസ് താരങ്ങള്‍.
അവസാന നിമിഷം വരെ ടീമില്‍ ഉള്‍പ്പെടുത്തുമെന്ന് ആരാധകര്‍ കരുതിയ മലയാളി താരം സഞ്ജു സാംസണ് ആദ്യ 15 അംഗ സ്‌ക്വാഡിലും സ്റ്റാന്‍ഡ് ബൈയിലും അവസരം ലഭിച്ചില്ല. പേസ് ബൗളര്‍ മുഹമ്മദ് ഷമി ടീമിന്റെ സ്റ്റാന്‍ഡ് ബൈ പ്ലയേഴ്‌സിലുണ്ട്.
