ഇറാനിലുള്ള ഇന്ത്യന് പൗരന്മാര് രാജ്യം വിടണം; യാത്ര ഒഴിവാക്കുക: നിര്ദേശവുമായി ഇന്ത്യന് എംബസി
നിഷാന. വി.വി
Monday, 20th July 2026, 7:16 am
ന്യൂദല്ഹി: യു.എസ്- ഇറാന് സംഘര്ഷം രൂക്ഷമായി കൊണ്ടിരിക്കുന്ന സാാഹചര്യത്തില് ഇന്ത്യക്കാരോട് ഇറാനിലേക്കുള്ള എല്ലാ യാത്രകളും മാറ്റിവെക്കാന് നിര്ദേശിച്ച് ഇന്ത്യ. സുരക്ഷാ കാരണങ്ങള് കാണിച്ചാണ് ഇങ്ങനെയൊരു നിര്ദേശം.
ഇറാനിലെ ഇന്ത്യന് എംബസിയാണ് ഇത്തരത്തിലൊരു നിര്ദേശം പുറപ്പെടുവിച്ചിരിക്കുന്നത്.
കൂടാതെ നിലവില് ഇറാനിലുള്ളവര് താത്കാലികമായി രാജ്യം വിടുന്നത് പരിഗണിക്കാനും ആവശ്യപ്പെട്ടിട്ടുണ്ട്.
‘ഇറാനിലേക്ക് പോകാന് പദ്ധതിയിടുന്നഇന്ത്യക്കാര് സുരക്ഷാ സാഹചര്യം മെച്ചപ്പെടുന്നത് വരെ സന്ദര്ശനം മാറ്റി വെക്കണം. ഇറാനിലുള്ള ഇന്ത്യന് പൗരന്മാര് ലഭ്യമായ വാണിജ്യ വിമാന ഓപ്ഷനുകള് ഉപയോഗിച്ച് താത്കാലികമായി രാജ്യം വിടുന്നത് പരിഗണിക്കണം,’ എംബസി പുറപ്പെടുവിപ്പിച്ച നിര്ദേശത്തില് പറയുന്നു.
