വേള്ഡ് ടെസ്റ്റ് ചാമ്പ്യന്ഷിപ്പ് 2025-27 സൈക്കിളില് ഇന്ത്യ ഇംഗ്ലണ്ടും തമ്മില് ഏറ്റുമുട്ടുകയാണ്. അഞ്ച് പരമ്പരകളടങ്ങുന്ന പരമ്പരയിലെ ആദ്യ മത്സരത്തിന്റെ രണ്ടാം ദിനത്തില് ഇന്ത്യ ഓള് ഔട്ട് ആയിരിക്കുകയാണ്. 471 എന്ന മികച്ച സ്കോറിലാണ് ഇന്ത്യ ബാറ്റിങ് അവസാനിപ്പിച്ചത്.
നിലവില് ആദ്യ ഇന്നിങ്സില് ബാറ്റിങ്ങിന് ഇറങ്ങിയ ഇംഗ്ലണ്ട് 33 ഓവര് പൂര്ത്തിയായപ്പോള് രണ്ട് വിക്കറ്റ് നഷ്ടത്തില് 137 റണ്സാണ് നേടിയത്. ക്രീസില് തുടരുന്നത് ഒല്ലി പോപ്പും (61 റണ്സ്), ജോ റൂട്ടുമാണ് (7 റണ്സ്). ഇന്ത്യയ്ക്ക് വേണ്ടി ആദ്യ ഓവറിനെത്തിയ ബുംറ തന്റെ അവസാന പന്തില് സാക്ക് ക്രോളിയെ കരുണ് നായരുടെ കയ്യിലെത്തിച്ചാണ് വിക്കറ്റ് നേടിയത്. നാല് റണ്സിനാണ് സാക്ക് മടങ്ങിയത്. ശേഷം 80 പന്തുകള് നേരിട്ട് 61 റണ്സ് നേടിയ ബെന് ഡക്കറ്റിന്റെ വിക്കറ്റ് നേടാനും ബുംറയ്ക്ക് സാധിച്ചു. ഡക്കറ്റിനെ ബൗള്ഡാക്കിയാണ് ബുംറ വീണ്ടും കരുത്ത് തെളിയിച്ചത്.
Bumrah 🤝 Breakthrough
2⃣nd success with the ball for #TeamIndia! 🙌
England lose Ben Duckett.
Updates ▶️ https://t.co/CuzAEnBkyu #ENGvIND | @Jaspritbumrah93 pic.twitter.com/zfZOPtt8fR
— BCCI (@BCCI) June 21, 2025
ഒന്നാം ഇന്നിങ്സില് യശസ്വി ജെയ്സ്വാളിന്റെയും ക്യാപ്റ്റന് ശുഭ്മന് ഗില്ലിന്റെയും വൈസ് ക്യാപ്റ്റന് റിഷബ് പന്തിന്റെയും സെഞ്ച്വറിയുടെ കരുത്തിലാണ് ഇന്ത്യ കൂറ്റന് സ്കോറിലേക്ക് കുതിച്ചത്. മധ്യനിരയില് ഗില്ലും പന്തും പടുത്തുയര്ത്തിയ ഇന്നിങ്സാണ് അതില് ഏറെ നിര്ണായകമായത്. ഗില് 227 പന്തില് 19 ഫോറും ഒരു സിക്സും ഉള്പ്പെടെ 147 റണ്സും പന്ത് 178 പന്തില് 12 ഫോറും ആറ് സിക്സും ഉള്പ്പെടെ 134 റണ്സുമായിരുന്നു നേടിയത്. 209 റണ്സാണ് ഇരുവരും ചേര്ന്ന് ഇന്ത്യയ്ക്ക് നേടിക്കൊടുത്തത്.
തനത് ശൈലിയില് ബാറ്റ് വീശി സിക്സറുകള് നേടിയ പന്തിനെ മത്സരത്തിനിടയില് കമന്റേറ്റര്മാര് പ്രശംസിച്ചിരുന്നു. ഇതിനെല്ലാം പുറമെ ഒരു മിന്നും റെക്കോഡ് സ്വന്തമാക്കിയിരിക്കുകയാണ് പന്ത്. ടെസ്റ്റില് ഏറ്റവും കൂടുതല് സിക്സര് നേടുന്ന മൂന്നാമത്തെ ഇന്ത്യന് താരമാകാനാണ് പന്തിന് സാധിച്ചത്. ഈ നേട്ടത്തില് ഇതിഹാസ താരം എം.എസ്. ധോണിയെ മറികടക്കാനും പന്തിന് സാധിച്ചു.
വിരേന്ദര് സെവാഗ് – 90 – 178
രോഹിത് ശര്മ – 88 – 116
റിഷബ് പന്ത് – 79 – 76
എം.എസ്. ധോണി – 78 – 144
മത്സരത്തില് ഓപ്പണര് യശസ്വി ജെയ്സ്വാള് 158 പന്തില് നിന്ന് 16 ഫോറും ഒരു സിക്സറുമടക്കം 101 റണ്സിനാണ് മടങ്ങിയത്. രാഹുല് 42 റണ്സും നേടിയിരുന്നു. മറ്റാര്ക്കും തന്നെ ബാറ്റിങ്ങില് മികവ് പുലര്ത്താന് സാധിച്ചില്ല. ഇംഗ്ലണ്ടിന് വേണ്ടി ബൗളിങ്ങില് ക്യാപ്റ്റന് ബെന് സ്റ്റോക്സും ജോഷ് ടംങ്ങുമാണ് മിന്നും പ്രകടനം കാഴ്ചവെച്ചത്. നാല് വിക്കറ്റുകളാണ് ഇരുവരും നേടിയത്. ബ്രൈഡന് കാഴ്സ്, ബഷീര് എന്നിവര് രണ്ട് വിക്കറ്റും നേടി.
Content Highlight: India VS England: Rishabh Pant Surpass Dhoni In Great Record Achievement In Test Cricket
