ഇന്ത്യന് ടീമിന് വിജയിക്കാന് വേണ്ടതെല്ലാമുണ്ട്, അവരത് നേടും: റെയ്ന
സ്പോര്ട്സ് ഡെസ്ക്
Sunday, 20th July 2025, 5:12 pm
ക്രിക്കറ്റ് ആരാധകര് ഇപ്പോള് ഏറ്റവും കൂടുതല് ചര്ച്ച ചെയ്യുന്നത് ഇന്ത്യയുടെ ഇംഗ്ലണ്ട് പര്യടനമാണ്. പരമ്പരയില് ഇനി ശേഷിക്കുന്നത് രണ്ട് മത്സരങ്ങള് മാത്രമാണ്. മൂന്ന് മത്സരങ്ങള് അവസാനിക്കുമ്പോള് ആതിഥേയരായ ഇംഗ്ലണ്ട് 2 – 1ന് മുന്നിലാണ്.
ഇംഗ്ലണ്ടിനെതിരെ രണ്ടാം മത്സരത്തില് മാത്രമാണ് ഇന്ത്യയ്ക്ക് ജയിക്കാന് സാധിച്ചത്. അതിനാല് ഇനിയുള്ള രണ്ട് മത്സരങ്ങള് സന്ദര്ശകര്ക്ക് ഏറെ നിര്ണായകമാണ്. സമനില സ്വന്തമാക്കാന് അടുത്ത മത്സരത്തില് ജയം അനിവാര്യമാണ്. നാലാം മത്സരം ജൂലൈ 23 മുതല് 27 വരെയാണ് നടക്കുക.
ഇപ്പോള് പരമ്പരയില് തിരിച്ച് വരവ് നടത്താന് ഇന്ത്യയ്ക്ക് കഴിയുമെന്ന് പറയുകയാണ് മുന് ഇന്ത്യന് താരം സുരേഷ് റെയ്ന. നായകന് ഗില്ലടക്കമുള്ള ഇന്ത്യന് താരങ്ങള് ഇതുവരെ മികച്ച പ്രകടനം നടത്തിയെന്ന് അദ്ദേഹം പറഞ്ഞു.
