ടെന്ഡുല്ക്കര് – ആന്ഡേഴ്സണ് ട്രോഫിക്കായുള്ള ഇന്ത്യയുടെ ഇംഗ്ലണ്ട് പര്യടനത്തിലെ അഞ്ചാം മത്സരം ലണ്ടലിനെ ഓവലില് തുടരുകയാണ്. രണ്ടാം ഇന്നിങ്സ് ബാറ്റിങ് തുടരുന്ന ഇന്ത്യ ഇതിനോടകം തന്നെ 250+ റണ്സിന്റെ ലീഡ് സ്വന്തമാക്കിയിട്ടുണ്ട്.
സെഞ്ച്വറി നേടിയ യശസ്വി ജെയ്സ്വാളിന്റെയും അര്ധ സെഞ്ച്വറി പൂര്ത്തിയാക്കിയ ആകാശ് ദീപിന്റെയും കരുത്തിലാണ് ഇന്ത്യ മികച്ച സ്കോര് പടുത്തുയര്ത്തിയത്. ജെയ്സ്വാള് 165 പന്തില് 118 റണ്സടിച്ചപ്പോള് നൈറ്റ് വാച്ച്മാനായി കളത്തിലിറങ്ങിയ ആകാശ് ദീപ് 94 പന്തില് 66 റണ്സും സ്വന്തമാക്കി.
𝙔𝙖𝙨𝙝𝙖𝙨𝙫𝙞 𝙅𝙖𝙞𝙨𝙬𝙖𝙡 🫶
Hundred in the first innings of the series 👌
Hundred (and going strong) in the last innings of the series 💪
ഒരു ബാറ്റര് എന്ന നിലയിലും ക്യാപ്റ്റന് എന്ന നിലയിലും എണ്ണമറ്റ നേട്ടങ്ങള് സ്വന്തമാക്കിയാണ് ഗില് ഈ പരമ്പരയില് തിളങ്ങിയത്. അഞ്ച് മത്സരത്തില് നിന്നുമായി 754 റണ്സാണ് ഗില് ഈ പര്യടനത്തില് സ്വന്തമാക്കിയത്. ഇതിനൊപ്പം ഇന്ത്യയ്ക്ക് ഇതുവരെ വിജയിക്കാന് സാധിക്കാതെ പോയ എഡ്ജ്ബാസ്റ്റണില് മികച്ച വിജയം സമ്മാനിക്കാനും ഗില്ലിന് സാധിച്ചു.
അതേസമയം, രണ്ടാം ഇന്നിങ്സ് ബാറ്റിങ് തുടരുന്ന ഇന്ത്യ 69 ഓവര് പിന്നിടുമ്പോള് ആറ് വിക്കറ്റ് നഷ്ടത്തില് 284 റണ്സ് എന്ന നിലയിലാണ്. 15 പന്തില് ആറ് റണ്സുമായി ധ്രുവ് ജുറെലും 45 പന്തില് 25 റണ്സുമായി രവീന്ദ്ര ജഡേജയുമാണ് ക്രീസില്.
Content Highlight: IND vs ENG: Shubman Gill’s impressive records
