ഗിൽ ചെല്ലുന്നത് സിംഹകൂട്ടിലേക്ക്, ഇംഗ്ലണ്ടിൽ ജയിക്കുക എളുപ്പമല്ല; മുന്നറിയിപ്പുമായി മുൻ ഇന്ത്യൻ താരം

ക്രിക്കറ്റ് ആരാധകർ വലിയ ആവേശത്തോടെയാണ് ഇന്ത്യ – ഇംഗ്ലണ്ട് ടെസ്റ്റ് പരമ്പരയ്ക്കായി കാത്തിരിക്കുന്നത്. അഞ്ച് മത്സരങ്ങളുള്ള പരമ്പര ജൂണ്‍ 20നാണ് ആരംഭിക്കുന്നത്. സൂപ്പർ താരങ്ങളായ രോഹിത് ശർമയും വിരാട് കോഹ്‌ലിയും വിരമിച്ചതിന് ശേഷമുള്ള ആദ്യ പരമ്പരയാണിതെന്ന പ്രത്യേകതയുമുണ്ട്.

വമ്പൻ താരങ്ങൾ അരങ്ങൊഴിഞ്ഞതോടെ ഒരു യുവനിരയാണ് ഇംഗ്ലണ്ടിനെതിരെ ഇന്ത്യൻ കുപ്പായത്തിൽ കളത്തിലിറങ്ങുക. പരമ്പരയ്ക്കായി ബി.സി.സി.ഐ നേരത്തെ തന്നെ 18 അംഗ സ്‌ക്വാഡിനെ പ്രഖ്യാപിച്ചിരുന്നു.

ശുഭ്മന്‍ ഗില്ലിനെ ടെസ്റ്റ് ക്യാപ്റ്റന്‍സി ഏല്‍പ്പിച്ചാണ് ഇന്ത്യ പുതിയ ടെസ്റ്റ് ചാമ്പ്യന്‍ഷിപ്പ് സൈക്കിള്‍ ആരംഭിക്കുന്നത്. മാത്രമല്ല വൈസ് ക്യാപ്റ്റനായി റിഷബ് പന്തിനെയാണ് തെരഞ്ഞെടുത്തത്.

ഇപ്പോൾ ഇംഗ്ലണ്ട് പര്യടനത്തിൽ ഇന്ത്യയുടെ പുതിയ ക്യാപ്‌റ്റൻ ശുഭ്മൻ ഗിൽ വലിയ സമ്മർദത്തിലാകുമെന്ന് പറയുകയാണ് മുൻ ഇന്ത്യൻ വിക്കറ്റ് കീപ്പർ ബാറ്റർ ദിനേശ് കാർത്തിക്. ഇന്ത്യൻ ടെസ്റ്റ് ക്യാപ്റ്റനാവുന്നതിന്റെ ഗൗരവം ഗില്ലിന് ഇതുവരെ പൂർണമായി മനസിലായിട്ടില്ലെന്നും ഇംഗ്ലണ്ടിൽ ക്രിക്കറ്റ് കളിക്കുന്നത് എപ്പോഴും ബുദ്ധിമുട്ടാണെന്നും അദ്ദേഹം പറഞ്ഞു.

ഇംഗ്ലണ്ടിന്റെ ബൗളിങ് ഇപ്പോൾ ദുർബലമാണെന്നും അത് ഇന്ത്യയ്ക്ക് ഗുണമായേക്കാമെന്നും അദ്ദേഹം കൂട്ടിച്ചേർത്തു. സ്കൈ ക്രിക്കറ്റിൽ സംസാരിക്കുകയായിരുന്നു ദിനേശ് കാർത്തിക്.

‘ഇന്ത്യൻ ടെസ്റ്റ് ക്യാപ്റ്റനാവുന്നതിന്റെ ഗൗരവം ഗില്ലിന് ഇതുവരെ പൂർണമായി മനസിലായിട്ടില്ലെന്നാണ് എനിക്ക് തോന്നുന്നത്. അവൻ സിംഹകൂടിലേക്കാണ് പോവുന്നത്. ഇംഗ്ലണ്ടിൽ ക്രിക്കറ്റ് കളിക്കുന്നത് എപ്പോഴും ബുദ്ധിമുട്ടാണ്. കൂടാതെ, വമ്പൻ താരങ്ങളുമായെത്തിയ നിരവധി ടീമുകൾ ഇവിടെ കളിക്കാൻ പ്രയാസപ്പെട്ടിട്ടുണ്ട്.

ഭാഗ്യവശാൽ അവരുടെ ബൗളിങ് ഇപ്പോൾ വളരെ ദുർബലമാണ്. ഈ പരമ്പരയിൽ ഞാൻ കാണുന്ന ഏക പോസറ്റീവ് അതാണ്. അതുകൊണ്ട് അവർ ബാറ്റിങ്‌ കൊണ്ട് ഇന്ത്യയെ സമ്മർദത്തിലാക്കും. ഇംഗ്ലണ്ടിന്റെ ബൗളിങ്ങ് വികസിക്കുന്നതേയുള്ളു. അത് ഇന്ത്യയെ സഹായിച്ചേക്കാം,’ കാർത്തിക് പറഞ്ഞു.

ഇംഗ്ലണ്ടിനെതിരായ ഇന്ത്യന്‍ സ്‌ക്വാഡ്

ശുഭ്മന്‍ ഗില്‍ (ക്യാപ്റ്റന്‍), റിഷബ് പന്ത് (വൈസ് ക്യാപ്റ്റന്‍, വിക്കറ്റ് കീപ്പര്‍), യശസ്വി ജെയ്സ്വാള്‍, കെ. എല്‍. രാഹുല്‍, സായ് സുദര്‍ശന്‍, അഭിമന്യു ഈശ്വരന്‍, കരുണ്‍ നായര്‍, നിതീഷ് കുമാര്‍ റെഡ്ഡി, രവീന്ദ്ര ജഡേജ, ധ്രുവ് ജുറെല്‍ (വിക്കറ്റ് കീപ്പര്‍), വാഷിങ്ടണ്‍ സുന്ദര്‍, ഷര്‍ദുല്‍ താക്കൂര്‍, ജസ്പ്രീത് ബുംറ, മുഹമ്മദ് സിറാജ്, പ്രസീദ് കൃഷ്ണ, ആകാശ് ദീപ്, അര്‍ഷ്ദീപ് സിങ്, കുല്‍ദീപ് യാദവ്

ഇന്ത്യക്കെതിരായ ആദ്യ ടെസ്റ്റിനുള്ള ഇംഗ്ലണ്ട് സ്‌ക്വാഡ്

ബെന്‍ സ്റ്റോക്സ് (ക്യാപ്റ്റന്‍), ഷൊയ്ബ് ബഷീര്‍, ജേക്ബ് ബേത്തല്‍, ഹാരി ബ്രൂക്ക്, ബ്രൈഡന്‍ കാര്‍സ്, സാം കുക്ക്, സാക്ക് ക്രോളി, ബെന്‍ ഡക്കറ്റ്, ജെയ്മി ഓവര്‍ട്ടണ്‍, ഒല്ലി പോപ്പ്, ജോ റൂട്ട്, ജെയ്മി സ്മിത്, ജോഷ് ടങ്, ക്രിസ് വോക്സ്

Content Highlight: Ind vs Eng: Dinesh Karthik says that winning in England will not be easy for Shubhman Gill led Indian team