ഇന്ത്യൻ ക്രിക്കറ്റ് ആരാധകർ ആവേശത്തോടെ കാത്തിരിക്കുന്നത് ഇന്ത്യ – ഇംഗ്ലണ്ട് ടെസ്റ്റ് പരമ്പരയ്ക്കാണ്. സൂപ്പർ താരങ്ങളായ വിരാട് കോഹ്ലിയും രോഹിത് ശർമയും വിരമിച്ചതോടെ യുവനിരയാണ് ഇംഗ്ലണ്ടിനെതിരെ ഇറങ്ങുക.
നേരത്തെ തന്നെ ബി.സി.സി.ഐ ഈ പരമ്പരയ്ക്കായി സ്ക്വാഡിനെ പ്രഖ്യാപിച്ചിരുന്നു. ശുഭ്മന് ഗില്ലിനെ ടെസ്റ്റ് ക്യാപ്റ്റന്സി ഏല്പ്പിച്ചാണ് ഇന്ത്യ പുതിയ ടെസ്റ്റ് ചാമ്പ്യന്ഷിപ്പ് സൈക്കിള് ആരംഭിക്കുന്നത്. മാത്രമല്ല വൈസ് ക്യാപ്റ്റനായി റിഷബ് പന്തിനെയാണ് തെരഞ്ഞെടുത്തത്. അഞ്ച് മത്സരങ്ങളടങ്ങുന്ന പരമ്പര ജൂണ് 20നാണ് ആരംഭിക്കുന്നത്.
ഇപ്പോൾ ഈ പരമ്പരയിലെ വിജയികളെ പ്രവചിക്കുകയാണ് മുൻ സൗത്ത് ആഫ്രിക്കൻ താരം ഡെയ്ൽ സ്റ്റെയ്ൻ. പരമ്പരയിലെ എല്ലാ മത്സരങ്ങളും കടുത്തതായിരിക്കുമെന്നും ഇംഗ്ലണ്ട് പരമ്പര വിജയിക്കുമെന്നും അദ്ദേഹം പറഞ്ഞു.
അഞ്ച് മത്സരങ്ങളും ത്രില്ലിങ്ങായിരിക്കുമെന്നും ഇരുകൂട്ടർക്കും വിജയം ഒരിക്കലും എളുപ്പമായിരിക്കില്ലെന്നും മുൻ പ്രോട്ടിയാസ് താരം കൂട്ടിച്ചേർത്തു. സ്റ്റാർ സ്പോർട്സിൽ സംസാരിക്കുകയായിരുന്നു ഡെയ്ൽ സ്റ്റെയ്ൻ.
‘എല്ലാ മത്സരങ്ങളും വളരെ കടുത്തതായിരിക്കും, പക്ഷേ, എല്ലാത്തിലും വിജയികളുണ്ടാവും. എനിക്ക് തോന്നുന്നത് 3 – 2ന് ഇംഗ്ലണ്ട് പരമ്പര നേടുമെന്നാണ്. പക്ഷേ ഇരുകൂട്ടർക്കും വിജയം ഒരിക്കലും എളുപ്പമായിരിക്കില്ല. അഞ്ച് മത്സരങ്ങളും വളരെ കടുപ്പമേറിയതും ത്രില്ലിങ്ങുമാവും,’ സ്റ്റെയ്ൻ പറഞ്ഞു.
ഇന്ത്യ അവസാനമായി ഇംഗ്ലണ്ടിൽ ഒരു പരമ്പര ജയിക്കുന്നത് 2007ലാണ്. കഴിഞ്ഞ വർഷം ഇന്ത്യ ഇംഗ്ലണ്ടിൽ ഇറങ്ങിയപ്പോൾ പരമ്പര 2- 2 സമനിലയിലായിരുന്നു അവസാനിച്ചത്.
ശുഭ്മന് ഗില് (ക്യാപ്റ്റന്), റിഷബ് പന്ത് (വൈസ് ക്യാപ്റ്റന്, വിക്കറ്റ് കീപ്പര്), യശസ്വി ജെയ്സ്വാള്, കെ. എല്. രാഹുല്, സായ് സുദര്ശന്, അഭിമന്യു ഈശ്വരന്, കരുണ് നായര്, നിതീഷ് കുമാര് റെഡ്ഡി, രവീന്ദ്ര ജഡേജ, ധ്രുവ് ജുറെല് (വിക്കറ്റ് കീപ്പര്), വാഷിങ്ടണ് സുന്ദര്, ഷര്ദുല് താക്കൂര്, ജസ്പ്രീത് ബുംറ, മുഹമ്മദ് സിറാജ്, പ്രസീദ് കൃഷ്ണ, ആകാശ് ദീപ്, അര്ഷ്ദീപ് സിങ്, കുല്ദീപ് യാദവ്
ബെന് സ്റ്റോക്സ് (ക്യാപ്റ്റന്), ഷൊയ്ബ് ബഷീര്, ജേക്ബ് ബേത്തല്, ഹാരി ബ്രൂക്ക്, ബ്രൈഡന് കാര്സ്, സാം കുക്ക്, സാക്ക് ക്രോളി, ബെന് ഡക്കറ്റ്, ജെയ്മി ഓവര്ട്ടണ്, ഒല്ലി പോപ്പ്, ജോ റൂട്ട്, ജെയ്മി സ്മിത്, ജോഷ് ടങ്, ക്രിസ് വോക്സ്
Content Highlight: Ind vs Eng: Dale Steyn predicts that England will secure 3-2 series win against India