![?php echo $post['title']; ?>](https://assets.doolnews.com/w/900x473/2025/10/rohit-sharma.jpg)
ഇന്ത്യയുടെ ഓസ്‌ട്രേലിയന്‍ പര്യടനത്തിലെ രണ്ടാം മത്സരം അഡ്‌ലെയ്ഡില്‍ ആരംഭിച്ചിരിക്കുകയാണ്. മത്സരത്തില്‍ ടോസ് നേടിയ ആതിഥേയര്‍ ഇന്ത്യയെ ബാറ്റിങ്ങിനയച്ചു. പരമ്പരയിലെ ആദ്യ മത്സരം പരാജയപ്പെട്ടതിനാല്‍ പരമ്പര നഷ്ടപ്പെടാതിരിക്കാന്‍ ഇന്ത്യയ്ക്ക് വിജയം അനിവാര്യമാണ്.
🚨 Toss 🚨#TeamIndia have been put into bat first in Adelaide.
Updates ▶ https://t.co/aB0YqSCClq#AUSvIND pic.twitter.com/G8vZXU7Yj8
— BCCI (@BCCI) October 23, 2025
രോ-ഗില്‍ സഖ്യമാണ് ഇന്ത്യയ്ക്കായി ഇന്നിങ്‌സ് ഓപ്പണ്‍ ചെയ്തത്. ആദ്യ ഇന്നിങ്‌സില്‍ പരാജയപ്പെട്ട ഈ ജോഡി രണ്ടാം മത്സരത്തില്‍ തിളങ്ങുമെന്നാണ് ആരാധകര്‍ ഉറച്ചുവിശ്വസിക്കുന്നത്.
ഓസീസിനെതിരെ രണ്ട് റണ്‍സ് പൂര്‍ത്തിയാക്കിയതോടെ ഒരു ചരിത്ര നേട്ടത്തിലേക്കാണ് രോഹിത് ശര്‍മ കാലെടുത്ത് വെച്ചിരിക്കുന്നത്. ഓസ്‌ട്രേലിയയില്‍ ഓസ്‌ട്രേലിയക്കെതിരെ 1,000 ഏകദിന റണ്‍സ് പൂര്‍ത്തിയാക്കുന്ന ആദ്യ ഇന്ത്യന്‍ താരമെന്ന നേട്ടമാണ് രോഹിത് സ്വന്തമാക്കിയത്.
ഓസ്‌ട്രേലിയക്കെതിരെ ഓസ്‌ട്രേലിയയില്‍ ഏറ്റവുമധികം റണ്‍സ് നേടുന്ന ഇന്ത്യന്‍ താരം
(താരം – റണ്‍സ് എന്നീ ക്രമത്തില്‍)
രോഹിത് ശര്‍മ – 1,006
വിരാട് കോഹ്‌ലി – 802
സച്ചിന്‍ ടെന്‍ഡുല്‍ക്കര്‍ – 740
എം.എസ്. ധോണി – 684
ശിഖര്‍ ധവാന്‍ – 517
അതേസമയം, ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് ആദ്യ രണ്ട് വിക്കറ്റുകള്‍ നഷ്ടപ്പെട്ടിരിക്കുകയാണ്. ക്യാപ്റ്റന്‍ ശുഭ്മന്‍ ഗില്ലിനെയും വണ്‍ ഡൗണായി കളത്തിലിറങ്ങിയ വിരാട് കോഹ്‌ലിയെയുമാണ് ഇന്ത്യയ്ക്ക് നഷ്ടപ്പെട്ടത്.
Virat Kohli dismissed for a 4 ball duck.
– Back to back ducks for Kohli. 🥲 pic.twitter.com/yHtghRNmaW
— Mufaddal Vohra (@mufaddal_vohra) October 23, 2025
ഗില്‍ ഒമ്പത് പന്തില്‍ ഒമ്പത് റണ്‍സ് നേടിയപ്പോള്‍ തുടര്‍ച്ചയായ രണ്ടാം മത്സരത്തിലും പൂജ്യത്തിന് പുറത്തായി. സേവ്യര്‍ ബാര്‍ട്‌ലെറ്റിനാണ് വിക്കറ്റ്.
VIRAT KOHLI GONE FOR HIS SECOND DUCK OF THE SERIES!#AUSvIND | #PlayoftheDay | @BKTtires pic.twitter.com/jqIdvMeX9T
— cricket.com.au (@cricketcomau) October 23, 2025
നിലവില്‍ ഏഴ് ഓവര്‍ പിന്നിടുമ്പോള്‍ രണ്ട് വിക്കറ്റ് നഷ്ടത്തില്‍ 17 റണ്‍സ് എന്ന നിലയിലാണ് ഇന്ത്യ. 28 പന്തില്‍ എട്ട് റണ്‍സുമായി രോഹിത് ശര്‍മയും ഒരു പന്ത് നേരിട്ട് പൂജ്യം റണ്‍സുമായി ശ്രേയസ് അയ്യരുമാണ് ക്രീസില്‍.
ഇന്ത്യ പ്ലെയിങ് ഇലവന്‍
രോഹിത് ശര്‍മ, ശുഭ്മന്‍ ഗില്‍ (ക്യാപ്റ്റന്‍), വിരാട് കോഹ്‌ലി, ശ്രേയസ് അയ്യര്‍, അക്‌സര്‍ പട്ടേല്‍, കെ.എല്‍. രാഹുല്‍ (വിക്കറ്റ് കീപ്പര്‍), വാഷിങ്ടണ്‍ സുന്ദര്‍, നിതീഷ് കുമാര്‍ റെഡ്ഡി, ഹര്‍ഷിത് റാണ, അര്‍ഷ്ദീപ് സിങ്, മുഹമ്മദ് സിറാജ്.
Here is the #TeamIndia XI for the 2️⃣nd #AUSvIND ODI 👍
Updates ▶ https://t.co/aB0YqSCClq pic.twitter.com/IYWFmKJ5Wy
— BCCI (@BCCI) October 23, 2025
ഓസ്‌ട്രേലിയ പ്ലെയിങ് ഇലവന്‍
മിച്ചല്‍ മാര്‍ഷ് (ക്യാപ്റ്റന്‍), ട്രാവിസ് ഹെഡ്, മാറ്റ് ഷോര്‍ട്ട്, മാറ്റ് റെന്‍ഷോ, അലക്‌സ് കാരി (വിക്കറ്റ് കീപ്പര്‍), കൂപ്പര്‍ കനോലി, മിച്ചല്‍ ഓവന്‍. സേവ്യര്‍ ബാര്‍ട്‌ലെറ്റ്, മിച്ചല്‍ സ്റ്റാര്‍ക്, ആദം സാംപ, ജോഷ് ഹെയ്‌സല്‍വുഡ്.
Content Highlight: IND vs AUS: Rohit Sharma completed 1,000 ODI runs against Australia in Australia
