തിരുവനന്തപുരം: നീറ്റ് പരീക്ഷാ ക്രമക്കേടുമായി ബന്ധപ്പെട്ട് സി.ജെ.പിക്ക് പിന്തുണയറിയിച്ച് ധര്ണ നടത്തിയ ലോക്സഭാ പ്രതിപക്ഷ നേതാവ് രാഹുല് ഗാന്ധിയെ അറസ്റ്റ് ചെയ്തതില് പ്രതിഷേധമറിയിച്ച് പ്രതിപക്ഷ നേതാവ് പിണറായി വിജയന്.
നീറ്റ് പരീക്ഷാ ക്രമക്കേടുമായി ബന്ധപ്പെട്ട് ദല്ഹിയില് നടക്കുന്ന സമരം ആഴ്ചകള് പിന്നിട്ട് ശക്തമാവുകയാണെന്നും സി.ജെ.പി പ്രവര്ത്തകരും വിദ്യാഭ്യാസ പ്രവര്ത്തകന് സോനം വാങ് ചുക്കും ആരംഭിച്ച സമരത്തിന് ഇടത് വിദ്യാര്ത്ഥി സംഘടനകള് ആദ്യം മുതല് തന്നെ ഐക്യദാര്ഢ്യം പ്രഖ്യാപിച്ച് സമരത്തില് പങ്കെടുത്തിരുന്നുവെന്നും അദ്ദേഹം പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു പിണറായി വിജയന്റെ പ്രതികരണം.
‘ ഇടത് വിദ്യാര്ത്ഥി സംഘടനകള് ആദ്യം മുതല് തന്നെ സമരത്തിന് പിന്തുണയറിയിച്ച് രംഗത്തെത്തിയിരുന്നു. പിന്നീട് വിവിധ പ്രതിപക്ഷ രാഷ്ട്രീയ പാര്ട്ടികളും എം.പിമാരും സമരത്തിന്റെ ഭാഗമായി. സി.പി.എം ജനറല് സെക്രട്ടറിയും കേന്ദ്ര നേതാക്കളും എം.പിമാരും പൊലീസ് അതിക്രമത്തിനെ ചെറുത്ത് സംരക്ഷണ വലയം തന്നെ തീര്ത്തിരുന്നു.
പൊലീസിനൊപ്പം ലാത്തിയുമായി ഗുണ്ടാസംഘവും സമരക്കാരെ അക്രമിക്കുന്നതായി വാര്ത്തകള് പുറത്ത് വരികയാണ്. ഇന്നലെ ലോക്സഭയിലെ പ്രതിപക്ഷ നേതാവ് രാഹുല് ഗാന്ധിയും കോണ്ഗ്രസ് നേതൃത്വവും സമരക്കാര്ക്ക് പിന്തുണയുമായി വന്നു.
‘നീറ്റ് പരീക്ഷാ ക്രമക്കേടും മന്ത്രിയുടെ രാജി ആവശ്യപ്പെട്ട് നടക്കുന്ന സമരവും ലോക്സഭയിലും ഉന്നയിക്കുവാന് പ്രതിപക്ഷം ശ്രമിച്ച് വരികയാണ്. കേന്ദ്ര സര്ക്കാര് അടിച്ചമര്ത്താന് ശ്രമിക്കുന്തോറും കൂടുതല് ജനപിന്തുണ ആര്ജ്ജിക്കുകയാണ്. ലോക്സഭയിലെ പ്രതിപക്ഷ നേതാവ് ശ്രീ രാഹുല് ഗാന്ധിയെ അറസ്റ്റ് ചെയ്തതില് ശക്തമായ പ്രതിഷേധം അറിയിക്കുന്നു,’ പിണറായി വിജയന് പറഞ്ഞു.
ഡൂള്ന്യൂസില് സബ് എഡിറ്റര് ട്രെയ്നി. വാദി ഹുദ കോളേജില് നിന്നും ബി.എ ഇംഗ്ലീഷില് ബിരുദം. കാലിക്കറ്റ് പ്രസ് ക്ലബ്ബില് നിന്നും ജേണലിസത്തില് പി.ജി ഡിപ്ലോമ.
