മലയാളികള്ക്ക് ഏറെ പ്രിയപ്പെട്ട നടനാണ് ഗണപതി. ബാലതാരമായി സിനിമയില് എത്തിയ നടന് ഒരുപാട് മികച്ച സിനിമകളുടെ ഭാഗമായിട്ടുണ്ട്. ഇപ്പോള് ഗണപതിയുടേതായി എത്തുന്ന ഏറ്റവും പുതിയ ചിത്രമാണ് ആലപ്പുഴ ജിംഖാന.
ഇപ്പോള് പേര്ളി മാണിക്ക് നല്കിയ അഭിമുഖത്തില് സംവിധായകന് ഖാലിദ് റഹ്മാനെ കുറിച്ച് പറയുകയാണ് ഗണപതി. 2016ല് അദ്ദേഹത്തിന്റെ ആദ്യ ചിത്രമായ അനുരാഗ കരിക്കിന് വെള്ളം ഇറങ്ങിയത് മുതല് താന് ചാന്സ് ചോദിക്കാറുണ്ട് എന്നാണ് ഗണപതി പറയുന്നത്.
‘അനുരാഗ കരിക്കിന് വെള്ളം സിനിമ കഴിഞ്ഞപ്പോള് പിന്നെയുള്ള എല്ലാ സിനിമയിലും ഞാന് അദ്ദേഹത്തോട് ചാന്സ് ചോദിച്ചിരുന്നു. ഉണ്ട സിനിമയുടെ സമയത്തും ചോദിച്ചിരുന്നു.
തല്ലുമാലയിലും ചോദിച്ചു. കാസ്റ്റിങ് കഴിഞ്ഞു എന്നായിരുന്നു എന്നോട് പറഞ്ഞത്. അവസാനം എനിക്ക് മടുത്തതോടെ ഞാന് അദ്ദേഹത്തെ ഒരു സിനിമയില് കാസ്റ്റ് ചെയ്തു. മഞ്ഞുമ്മല് ബോയ്സില് (ചിരി).
മഞ്ഞുമ്മല് ബോയ്സിലൂടെയാണ് എനിക്ക് ഖാലിദ് റഹ്മാനുമായുള്ള സംസാരം കൂടുതല് ഉണ്ടാകുന്നത്. എനിക്ക് ഒരു ടെക്നീഷ്യന് എന്ന നിലയില് ഒരുപാട് ഇഷ്ടമുള്ള മനുഷ്യനാണ് അദ്ദേഹം.
ഒരു കോംപ്രമൈസും ഇല്ലാത്ത ആളാണ്. അദ്ദേഹത്തിന്റെ വായില് നിന്ന് എന്തെങ്കിലും വീഴാന് നല്ല പണിയുണ്ട്. ഒരു ബിരിയാണി കഴിക്കാന് പോയെന്ന് കരുതുക. ബിരിയാണി എങ്ങനെയുണ്ടെന്ന് ചോദിച്ചാല് ‘ആഹ്, കൊള്ളാം. ആവറേജ്’ എന്നാണ് പറയുക.
Content Highlight: Ganapathi Talks About Khalid Rahman And Mammootty’s Unda Movie