ഇടുക്കിയിലെ ഒരു മലയോര ഗ്രാമത്തിലെ പള്ളിയിലേക്ക് എത്തുന്ന വൈദികന്, അവിടെയുള്ള പൊന്കുരിശ്, വൈദികന്റെ മുന്നിലേക്ക് വരുന്ന ഒരു പെണ്കുട്ടി, പ്രതീക്ഷിക്കാതെ കടന്ന് വരുന്ന ഒരു കള്ളന്. കേള്ക്കുമ്പോള് ഒരുപാട് പടങ്ങളില് മുമ്പ് കണ്ടിട്ടുള്ള ഒരു കോമ്പിനേഷനായി തോന്നാം.
അര്ജുന് അശോകന്, ബാലു വര്ഗീസ്, അനശ്വര രാജന് എന്നിവര് ആദ്യമായി ഒന്നിച്ച ചിത്രമാണ് എന്ന് സ്വന്തം പുണ്യാളന്. കുറച്ച് ട്വിസ്റ്റും കുറച്ച് കോമഡിയുമുള്ള ഒരു സിനിമ കൂടെയായിരുന്നു ഇത്.
അവിടെ നിന്ന് പെട്ടെന്ന് തന്നെ കഥ വര്ത്തമാന കാലത്തിലേക്ക് വരികയാണ്. വലിയ താത്പര്യമില്ലാതെ വൈദികനായി മാറേണ്ടി വരുന്ന നായകനാണ് തോമസ് അച്ചന്. പണിഷ്മെന്റ് ട്രാന്സ്ഫര് എന്നോണം അയാള് പുതിയ ഒരു സ്ഥലത്തേക്ക് എത്തുകയും അവിടെ അയാള്ക്ക് നേരിടേണ്ടി വരുന്ന കുറേ ആളുകളെയുമാണ് സിനിമ കാണിക്കുന്നത്. സിനിമയുടെ ഭൂരിഭാഗവും രണ്ട് മുറികളിലായി നടക്കുന്ന കാര്യങ്ങളാണ് കാണിക്കുന്നത്.
തോമസ് എന്ന വൈദികനായി നടന് ബാലു വര്ഗീസാണ് എത്തുന്നത്. വലിയ പുതുമയൊന്നും തോന്നാത്ത ഒരു കഥാപാത്രമായിരുന്നു ബാലുവിന്റേത്. അനശ്വര രാജന്റെ കഥാപാത്രമായിരുന്നു ഈ സിനിമയില് ഏറെ പ്രധാനപ്പെട്ടത്. കഥയുടെ അവസാനം എത്തുമ്പോള് ആ കഥാപാത്രത്തിന് വരുന്ന മാറ്റം ശരിക്കും സര്പ്രൈസായിരുന്നു. അനശ്വരയില് നിന്ന് പ്രതീക്ഷിക്കാത്ത ചില കാര്യങ്ങള് സിനിമയുടെ അവസാനം ഉണ്ടായിരുന്നു.
ആര്ട്ട് ഏന്ഡ് വി.എഫ്.എക്സിന് ഈ സിനിമയില് ഏറെ പ്രാധാന്യമുണ്ടായിരുന്നു. സിനിമയിലെ ബാക്ഗ്രൗണ്ട് മ്യൂസിക്കും ക്യാമറയും എഡിറ്റിങ്ങുമെല്ലാം ഏറെ മികച്ചതായിരുന്നു. കഴിഞ്ഞ 12 വര്ഷമായി നിരവധി പരസ്യങ്ങളിലൂടെയും ഷോര്ട്ട് ഫിലിമുകളിലൂടെയും കഴിവ് തെളിയിച്ച മഹേഷ് മധു ആദ്യമായി സംവിധാനം ചെയ്ത ചിത്രമായിരുന്നു എന്ന് സ്വന്തം പുണ്യാളന്.
Content Highlight: Ennu Swantham Punyalan Movie Review