യുവേഫ വനിതാ യൂറോ കപ്പ് കിരീടം നിലനിര്ത്തി ഇംഗ്ലണ്ട്. സെന്റ് ജേകബ് പാര്ക്കില് നടന്ന മത്സരത്തില് പെനാല്ട്ടി ഷൂട്ട്ഔട്ടിലായിരുന്നു ഇംഗ്ലണ്ടിന്റെ വിജയം. നിശ്ചിത സമയത്തും എക്സ്ട്രാ സമയത്തും ഇരു ടീമുകളും ഓരോ ഗോള് വീതം നേടി സമനിലയില് പിരിഞ്ഞതോടെയാണ് മത്സരം പെനാല്ട്ടി ഷൂട്ട്ഔട്ടിലേക്ക് കടന്നത്. ഷൂട്ട്ഔട്ടില് 3-1നായിരുന്നു ഇംഗ്ലണ്ടിന്റെ വിജയം.
മത്സരത്തില് 4-2-3-1 എന്ന ഫോര്മേഷനാണ് ഇംഗ്ലണ്ട് അവംലബിച്ചത്. മറുവശത്ത് 4-3-3 എന്ന ക്ലാസിക് ഫോര്മേഷനില് സ്പെയ്നും കളത്തിലിറങ്ങി. തുല്യശക്തികളുടെ പോരാട്ടത്തിനാണ് ഫൈനല് സാക്ഷ്യം വഹിച്ചത്. 25ാം മിനിട്ടില് മനിയാന കാല്ഡെന്റിയിലൂടെ സ്പെയ്ന് മുമ്പിലെത്തി. പ്രതിരോധ താരം ഒന ബാറ്റിലിന്റെ അസിസ്റ്റിലാണ് താരം ഗോള് കണ്ടെത്തിയത്.
ആദ്യ ഗോള് വഴങ്ങിയതോടെ കിരീടം നിലനിര്ത്താനുറച്ചെത്തിയ ഡിഫന്ഡിങ് ചാമ്പ്യന്മാരും പോരാട്ടം കടുപ്പിച്ചു. പക്ഷേ ആദ്യ പകുതിയില് ലക്ഷ്യം കാണാന് ഇംഗ്ലണ്ടിന് സാധിച്ചില്ല. ഇതോടെ ആദ്യ പകുതി 1-0ന് സ്പെയ്ന് മുമ്പിലെത്തി.
മത്സരത്തില് ആദ്യം കിക്കെടുത്ത ഇംഗ്ലണ്ടിന് പിഴച്ചു. എന്നാല് അവസരം മുതലെടുത്ത സ്പാനിഷ് താരം പന്ത് വലയിലെത്തിച്ചു. തുടര്ന്നുള്ള നാലില് മൂന്ന് അവസരവും ഇംഗ്ലണ്ട് ഗോളാക്കി മാറ്റിയപ്പോള് ബാലണ് ഡി ഓര് ജേതാവ് ഐറ്റാന ബോണ്മാറ്റിയടക്കമുള്ളവര്ക്ക് ലക്ഷ്യം കാണാനാകാതെ പോയി. അവസാന കിക്കെടുക്കാനുള്ള അവസരം സ്പെയ്നിന് നഷ്ടപ്പെടുകയും ചെയ്തതോടെ ഇംഗ്ലണ്ട് ഷൂട്ട്ഔട്ടില് 3-1 എന്ന സ്കോറില് കിരീടമുയര്ത്തി.
“England are crowned queens of European football again!” 😍
