മൂന്നേ മൂന്ന് ഇന്ത്യന്‍ താരങ്ങള്‍ക്ക് മാത്രം നേടാനായത്, അവര്‍ക്കൊപ്പമെത്താന്‍ രോഹിത്തും; കരിയര്‍ തിരുത്താന്‍ ഹിറ്റ്മാന്‍
Sports News
മൂന്നേ മൂന്ന് ഇന്ത്യന്‍ താരങ്ങള്‍ക്ക് മാത്രം നേടാനായത്, അവര്‍ക്കൊപ്പമെത്താന്‍ രോഹിത്തും; കരിയര്‍ തിരുത്താന്‍ ഹിറ്റ്മാന്‍
സ്പോര്‍ട്സ് ഡെസ്‌ക്
Wednesday, 5th February 2025, 9:10 am

ഇംഗ്ലണ്ടിന്റെ ഇന്ത്യന്‍ പര്യടനത്തിലെ ഏകദിന മത്സരങ്ങള്‍ക്കായുള്ള കാത്തിരിപ്പിലാണ് ക്രിക്കറ്റ് ആരാധകര്‍. ഫെബ്രുവരി ആറിനാണ് പരമ്പരയിലെ ആദ്യ മത്സരം. വി.സി.എ സ്റ്റേഡിയമാണ് വേദി. നേരത്തെ നടന്ന ടി-20 പരമ്പരയില്‍ മികച്ച വിജയം സ്വന്തമാക്കിയ ഇന്ത്യ ചാമ്പ്യന്‍സ് ട്രോഫിക്ക് മുമ്പായി നടക്കുന്ന ഏകദിന പരമ്പരയും വിജയിക്കാനുള്ള ഒരുക്കത്തിലാണ്.

ഈ പരമ്പരയില്‍ ഇന്ത്യന്‍ നായകന്‍ രോഹിത് ശര്‍മയെ കരിയറിലെ ഒരു പ്രധാന നാഴികക്കല്ലും കാത്തിരിക്കുന്നുണ്ട്. അന്താരാഷ്ട്ര ഏകദിനത്തില്‍ 11,000 റണ്‍സ് പൂര്‍ത്തിയാക്കുന്ന താരങ്ങളുടെ പട്ടികയിലേക്കാണ് രോഹിത് ശര്‍മ കാലെടുത്ത് വെക്കാന്‍ ഒരുങ്ങുന്നത്.

ക്രിക്കറ്റ് ചരിത്രത്തില്‍ ഒമ്പത് താരങ്ങള്‍ക്ക് മാത്രമാണ് ഈ നേട്ടം സ്വന്തമാക്കാന്‍ സാധിച്ചത്. അതില്‍ മൂന്ന് പേര്‍ ഇന്ത്യന്‍ താരങ്ങളുമാണ്. ഇവരുടെ എലീറ്റ് ലിസ്റ്റില്‍ സ്ഥാനം പിടിക്കാന്‍ രോഹിത് ശര്‍മക്ക് വേണ്ടതാകട്ടെ 134 റണ്‍സും.

257 ഇന്നിങ്സില്‍ നിന്നും 49.16 ശരാശരിയില്‍ 10,866 റണ്‍സാണ് രോഹിത്തിന്റെ സമ്പാദ്യം. 31 സെഞ്ച്വറികളും 57 അര്‍ധസെഞ്ച്വറികളും പൂര്‍ത്തിയാക്കിയ രോഹിത്തിന്റെ ഉയര്‍ന്ന സ്‌കോര്‍ 264 ആണ്.

അന്താരാഷ്ട്ര ഏകദിനത്തില്‍ ഏറ്റവുമധികം റണ്‍സ് നേടിയ താരങ്ങള്‍

(താരം – ടീം – റണ്‍സ് എന്നീ ക്രമത്തില്‍)

സച്ചിന്‍ ടെന്‍ഡുല്‍ക്കര്‍ – ഇന്ത്യ – 18,426

കുമാര്‍ സംഗക്കാര – ശ്രീലങ്ക/ ഏഷ്യ/ ഐ.സി.സി – 14,234

വിരാട് കോഹ്‌ലി – ഇന്ത്യ – 13,906

റിക്കി പോണ്ടിങ് – ഓസ്‌ട്രേലിയ/ ഐ.സി.സി – 13,704

സനത് ജയസൂര്യ – ശ്രീലങ്ക/ ഏഷ്യ – 13,430

മഹേല ജയവര്‍ധനെ – ശ്രീലങ്ക/ ഏഷ്യ – 12,650

ഇന്‍സമാം ഉള്‍ ഹഖ് – പാകിസ്ഥാന്‍/ ഏഷ്യ – 11,739

ജാക് കാല്ലിസ് – സൗത്ത് ആഫ്രിക്ക/ ആഫ്രിക്ക/ ഐ.സി.സി – 11,579

സൗരവ് ഗാംഗുലി – ഇന്ത്യ/ ഏഷ്യ – 11,363

രാഹുല്‍ ദ്രാവിഡ് – ഇന്ത്യ/ ഏഷ്യ/ ഐ.സി.സി – 10,889

രോഹിത് ശര്‍മ – ഇന്ത്യ – 10,866

എം.എസ്. ധോണി – ഇന്ത്യ/ ഏഷ്യ – 10,773

ക്രിസ് ഗെയ്ല്‍ – വെസ്റ്റ് ഇന്‍ഡീസ്/ ഐ.സി.സി – 10,480

ഇതിനൊപ്പം മറ്റൊരു റെക്കോഡ് സ്വന്തമാക്കാനും രോഹിത്തിന് അവസരമുണ്ട്. അടുത്ത 18 ഇന്നിങ്‌സില്‍ നിന്നും 11,000 റണ്‍സ് മാര്‍ക് പിന്നിടാന്‍ രോഹിത്തിന് സാധിച്ചാല്‍ ഏറ്റവും വേഗത്തില്‍ ഈ റെക്കോഡിലെത്തുന്ന രണ്ടാമത് താരമെന്ന നേട്ടമാണ് ഹിറ്റ്മാന് മുമ്പിലുള്ളത്.

222 ഇന്നിങ്സില്‍ നിന്നും ഈ നേട്ടത്തിലെത്തിയ വിരാട് കോഹ്‌ലിയുടെ പേരിലാണ് ഈ റെക്കോഡ് നിലവിലുള്ളത്. 276 ഇന്നിങ്സില്‍ നിന്നും 11,000 റണ്‍സ് പിന്നിട്ട സച്ചിന്‍ ടെന്‍ഡുല്‍ക്കറാണ് നിലവില്‍ പട്ടികയിലെ രണ്ടാമന്‍. 286 ഇന്നിങ്‌സ് കളിച്ച് 11,000 റണ്‍സ് നേടിയ റിക്കി പോണ്ടിങ്ങാണ് മൂന്നാമത്.

ഇനിയുള്ള 18 ഇന്നിങ്സില്‍ 11,000 റണ്‍സ് മാര്‍ക് പിന്നിടാന്‍ സാധിച്ചാല്‍ സച്ചിനെ മറികടന്ന് രോഹിത് രണ്ടാം സ്ഥാനത്തെത്തും.

അതേസമയം, ഫെബ്രുവരി ആറിനാണ് ഇന്ത്യ – ഇംഗ്ലണ്ട് ഏകദിന പരമ്പരയിലെ ആദ്യ മത്സരം അരങ്ങേറുന്നത്. വി.സി.എ ക്രിക്കറ്റ് സ്റ്റേഡിയമാണ് വേദി.

India Squad For ODI Series

രോഹിത് ശര്‍മ (ക്യാപ്റ്റന്‍), ശുഭ്മന്‍ ഗില്‍ (വൈസ് ക്യാപ്റ്റന്‍), വിരാട് കോഹ്‌ലി, ശ്രേയസ് അയ്യര്‍, ഹര്‍ദിക് പാണ്ഡ്യ, അക്സര്‍ പട്ടേല്‍, വാഷിങ്ടണ്‍ സുന്ദര്‍, കുല്‍ദീപ് യാദവ്, ഹര്‍ഷിത് റാണ, മുഹമ്മദ് ഷമി, അര്‍ഷ്ദീപ് സിങ്, യശസ്വി ജെയ്സ്വാള്‍, റിഷബ് പന്ത്, രവീന്ദ്ര ജഡേജ.

England Squad For ODI Series

ബെന്‍ ഡക്കറ്റ്, ഹാരി ബ്രൂക്ക്, ജോ റൂട്ട്, ജേകബ് ബേഥല്‍, ജെയ്മി ഓവര്‍ട്ടണ്‍, ലിയാം ലിവിങ്സ്റ്റണ്‍, ജെയ്മി സ്മിത് (വിക്കറ്റ് കീപ്പര്‍), ജോസ് ബട്‌ലര്‍ (ക്യാപ്റ്റന്‍, വിക്കറ്റ് കീപ്പര്‍), ഫില്‍ സാള്‍ട്ട് (വിക്കറ്റ് കീപ്പര്‍), ആദില്‍ റഷീദ്, ബ്രൈഡന്‍ കാര്‍സ്, ഗസ് ആറ്റ്കിന്‍സണ്‍, ജോഫ്രാ ആര്‍ച്ചര്‍, മാര്‍ക് വുഡ്, സാഖിബ് മഹ്‌മൂദ്.

IND vs ENG ODI Series

ആദ്യ മത്സരം: ഫെബ്രുവരി 6 – വിദര്‍ഭ ക്രിക്കറ്റ് അസോസിയേഷന്‍ സ്റ്റേഡിയം

രണ്ടാം മത്സരം: ഫെബ്രുവരി 9- ബരാബതി സ്റ്റേഡിയം, ഒഡീഷ

അവസാന മത്സരം: ഫെബ്രുവരി 12 – നരേന്ദ്ര മോദി സ്റ്റേഡിയം, അഹമ്മദാബാദ്

 

Content highlight: ENG vs IND: Rohit Sharma need 134 runs to complete 11,000 ODI runs