ഇതോടെയുടെ ആകെ പ്രതിരോധ ചെലവ് ഏകദേശം 1.91 ട്രില്യണ് യുവാന് (ഏകദേശം 277 ബില്യണ് ഡോളര്) ആയി ഉയര്ന്നു.
സൈനികരുടെ ശമ്പള വര്ധനവ്, പരിശീലനം, സൈബര് യുദ്ധമുറകളിലെ മികവ്, വിമാനവാഹിനി കപ്പലുകള്, നൂതന മിസൈലുകള് എന്നിവയുടെ നിര്മ്മാണം എന്നിവയ്ക്കായി ഈ തുക വിനിയോഗിക്കും.
ഇതോടുകൂടി പ്രതിരോധത്തിനായി ഏറ്റവും കൂടുതല് തുക ചിലവാക്കുന്ന ലോകത്തെ രണ്ടാമത്തെ രാജ്യംആയി ചൈന മാറും.
തങ്ങളുടെ പീപ്പിള്സ് ലിബറേഷന് ആര്മിയെ 2035-ഓടെ പൂര്ണമായി ആധുനികവല്ക്കരിക്കുക എന്ന പ്രസിഡന്റ് ഷി ജിന്പിംങിന്റെ പ്രഖ്യാപിത ലക്ഷ്യത്തിന്റെ ഭാഗമാണ് ഈ നടപപടിയെന്നാണ് വിലയിരുത്തല്.
തായ്വാന് കടലിടുക്കിലെ തര്ക്കങ്ങളും അമേരിക്കയുമായുള്ള മത്സരവും നിലനില്ക്കുന്ന പശ്ചാത്തലത്തില് ചൈനയുടെ ഈ നീക്കത്തെ ഏറെ ജാഗ്രതയോടെയാണ് അയല്രാജ്യങ്ങള് കാണുന്നതെന്നാണ് റിപ്പോര്ട്ടുകള്.
അതേസമയം, സാമ്പത്തിക വളര്ച്ചാ ലക്ഷ്യം 4.5 ശതമാനം മുതല് 5 ശതമാനം വരെയായി ചൈന പരിമിതപ്പെടുത്തിയിട്ടുണ്ട്.
സാമ്പത്തിക മേഖലയില് ചില പ്രതിസന്ധികള് നേരിടുന്നുണ്ടെങ്കിലും രാജ്യത്തിന്റെ പരമാധികാരവും സുരക്ഷയും സംരക്ഷിക്കുന്നതില് വിട്ടുവീഴ്ചയില്ലെന്ന സൂചനയാണ് പുതിയ പ്രതിരോധ ബജറ്റിലൂടെ ചൈന നല്ക്കുന്നതെന്നാണ് അന്താരാഷ്ട്ര മാധ്യമങ്ങളുടെ റിപ്പോര്ട്ട്.
അയല്രാജ്യങ്ങളായ ഇന്ത്യയെയും ജപ്പാനെയും ചൈനയുടെ ഈ സൈനിക വളര്ച്ച പ്രതിരോധ ബജറ്റുകള് വര്ദ്ധിപ്പിക്കാന് പ്രേരിപ്പിക്കുക്കുമെന്നാണ് നിരീക്ഷക്കാര് ചൂണ്ടിക്കാട്ടുന്നത്.
Content Highlight: China boosts defence spending 7% in drive to modernise by 2035
