മാവേലിക്കര: ചെങ്ങന്നൂര് വിശാല് വധക്കേസില് മുഴുവന് പ്രതികളെയും വെറുതെ വിട്ടു. മാവേലിക്കര അഡീഷണല് സെഷന്സ് കോടതിയുടേതാണ് വിധി. പ്രോസിക്യൂഷന് കുറ്റം തെളിയിക്കാനായില്ലെന്ന് കോടതി പറഞ്ഞു.
കേസിലെ 19 പ്രതികളും ക്യാമ്പസ് ഫ്രണ്ട് പ്രവര്ത്തകരാണ്. കോടതി വിധിക്കെതിരെ അപ്പീല് നല്കുമെന്ന് പ്രോസിക്യൂട്ടര് മാധ്യമങ്ങളോട് പ്രതികരിച്ചു.
2012 ജൂലൈ 16നാണ് കേസിനാസ്പദമായ സംഭവം നടന്നത്. എ.ബി.വി.പി ചെങ്ങന്നൂര് നഗര് സമിതി പ്രസിഡന്റായിരുന്ന വിശാല് ചെങ്ങന്നൂര് കോളജില് ബിരുദ വിദ്യാര്ത്ഥികളെ സ്വാഗതം ചെയ്യുന്നതിനിടെ ആക്രമിക്കപ്പെടുകയായിരുന്നു.
Content Highlight: Chengannur Vishal murder case: All accused acquitted