മദനോത്സവം എന്ന സിനിമയിലെ ആലിസെന്ന കഥാപാത്രത്തിലൂടെ ഏറെ ശ്രദ്ധിക്കപ്പെട്ട നടിയാണ് ഭാമ അരുണ്. ആസിഫ് അലി – അനശ്വര രാജന് എന്നിവര് ഒന്നിച്ച രേഖാചിത്രം എന്ന സിനിമയിലും ഭാമ ഒരു പ്രധാനവേഷത്തില് എത്തിയിരുന്നു.
ഇപ്പോള് വിഷു റിലീസായി വരാനിരിക്കുന്ന ബസൂക്ക എന്ന മമ്മൂട്ടി ചിത്രത്തിലും ഭാമ ഒരു പ്രധാനവേഷത്തില് അഭിനയിച്ചിട്ടുണ്ട്. ഡീനോ ഡെന്നിസ് ആദ്യമായി സംവിധാനം ചെയ്യുന്ന ആക്ഷന് ത്രില്ലര് ചിത്രമാണ് ബസൂക്ക.
‘ഗൗതം സാറിനെ കണ്ടപ്പോള് ആദ്യത്തെ രണ്ടുമൂന്ന് ദിവസം എക്സൈറ്റ്മെന്റ് ഉണ്ടായിരുന്നു. പക്ഷെ പിന്നെ അതൊക്കെ മാറി. സത്യത്തില് അദ്ദേഹത്തിന്റെ കണ്ണില് നോക്കിയാല് പിന്നെ പോയി. വലിയ ടെന്ഷനാകും.
ബസൂക്കയുടെ സമയത്ത് ആദ്യമായി മമ്മൂട്ടിയെ കണ്ടപ്പോള് ഉണ്ടായ എക്സൈറ്റ്മെന്റിനെ കുറിച്ചും നടി അഭിമുഖത്തില് സംസാരിച്ചു. അദ്ദേഹത്തെ നേരിട്ട് കാണാനും സംസാരിക്കാനും പറ്റിയത് സ്വപ്നതുല്യമായ നിമിഷമായിരുന്നുവെന്നാണ് ഭാമ പറയുന്നത്.
‘മമ്മൂക്കയെ നേരിട്ട് കാണുമ്പോള് ഉണ്ടായ എക്സൈറ്റ്മെന്റ് എങ്ങനെ ഹാന്ഡില് ചെയ്തുവെന്ന് ആളുകള് എന്നോട് ചോദിക്കാറുണ്ട്. ഓരോ തവണ ചോദിക്കുമ്പോഴും എനിക്ക് ആ നെഞ്ചിടിപ്പ് ഉണ്ടാകും.
അദ്ദേഹത്തെ കാണുമ്പോള് എക്സൈറ്റ്മെന്റും നെര്വസ്നെസും ഒരുപോലെ ഉണ്ടായിരുന്നു. എല്ലാം ഒരുമിച്ച് വന്നിട്ട് ഒരു മിക്സ്ഡ് ഇമോഷന് ആയിരുന്നു.
Content Highlight: Bhama Arun Talks About Gautham Vasudev Menon