Edito-Real /ബാബു ഭരദ്വാജ്
കള്ള് പറയുന്ന കള്ളങ്ങളാണ് നമ്മളിപ്പോള് നിത്യവും കേട്ടുകൊണ്ടിരിക്കുന്നത്. കേരളത്തിലിപ്പോള് അധികമാരും കള്ള് ചെത്താറില്ലെന്നും ചെത്താത്ത തെങ്ങുകളാണ് കൂടുതലുള്ളതെന്നും എല്ലാവര്ക്കുമറിയാം. കള്ളുഷാപ്പില് വിതരണംചെയ്യുന്നത്ര കള്ളുകിട്ടണമെങ്കില് കേരളത്തിലെ മുഴുവന് തെങ്ങുകളും ചെത്തിയാല് മതിയാവില്ല.
പിന്നെ എന്തിനാണ് ഈ പൊറാട്ടുനാടകം ? ആരെ ബോധിപ്പിക്കാനാണ് ! ജനങ്ങള്ക്കെല്ലാ കാര്യവും ബോധ്യമുണ്ട്. സര്ക്കാറിനും ഉദ്യോഗസ്ഥര്ക്കും ബോധ്യമുണ്ട്.
ഭരിക്കുന്നവരും ഭരണം പോയവരും എല്ലാം വിഷക്കള്ളിന് ഉത്തരവാദികളാണ്. ചെത്താന് തെങ്ങുകളില്ലാത്തപ്പോള് കള്ളുഷാപ്പുകളുടെ എണ്ണംകൂട്ടിയവര് കുറ്റക്കാരല്ലേ? കള്ളുഷാപ്പുകള് ചെത്തുതൊഴിലാളി സഹകരണസംഘത്തെ ഏല്പ്പിക്കുന്നതിന് തടസ്സം നിന്നവരും കള്ളുഷാപ്പുകളെ മദ്യമാഫിയക്കാരായ കോണ്ട്രാക്റ്റര്മാര്ക്കേല്പ്പിച്ചു കൊടുത്തവരും കുറ്റക്കാരല്ലേ ?
അമ്പുകൊള്ളാത്തവര് ആരുണ്ട്-
ഇതെത്ര കണ്ടിരിക്കുന്നു ? ഇനിയെത്ര കാണാന് പോകുന്നു. കള്ളിനെക്കുറിച്ചധികം പറയുന്തോറും പറയുന്നവരും കേള്ക്കുന്നവരും കൂടുതല് കൂടുതല് നാറിക്കൊണ്ടിരിക്കുന്നു.
