ആഷസിന് മുന്നോടിയായി ഓസീസിന് ആശ്വാസവാര്‍ത്തയും ദുഖ വാര്‍ത്തയും!

നവംബര്‍ 21നാണ് ആഷസ് പരമ്പര ആരംഭിക്കുന്നത്. ഇതോടെ ഓസ്‌ട്രേലിയയുടെയും ഇംഗ്ലണ്ടിന്റെയും വലിയ തയ്യാറെടുപ്പിലാണ്. ഇതോടെ ഓസീസിനെ തേടി ഒരു ആശ്വാസ വാര്‍ത്തയും വന്നിരിക്കുകയാണ്. നേരത്തെ പരിക്ക് പറ്റി പുറത്തായ ഓസീസ് പേസര്‍ ജോഷ് ഹേസല്‍വുഡ് ടീമിലേക്ക് തിരിച്ചെത്തുമെന്ന് സ്ഥിരീകരിച്ചു.

പെര്‍ത്തില്‍ ആരംഭിക്കുന്ന മത്സരത്തില്‍ താരം തിരിച്ചെത്തുമെന്നും സ്‌ക്വാഡില്‍ ഉണ്ടാകുമെന്നുമാണ് ക്രിക്കറ്റ് ഓസ്‌ട്രേലിയ പറയുന്നത്. എന്നാല്‍ ഹേസല്‍വുഡ്ഡിനൊപ്പം പരിക്ക് പറ്റിയ പേസര്‍ സീന്‍ എബ്ബോട്ടിന് പരിക്കില്‍ നിന്ന് സുഖം പ്രാപിക്കാന്‍ സാധിക്കാത്തതിനാല്‍ ആഷസില്‍ നിന്ന് താരം പുറത്തായിരിക്കുകയാണ്.

‘പെര്‍ത്തില്‍ നടക്കുന്ന ആഷസ് മത്സരത്തില്‍ ഓസ്‌ട്രേലിയക്കായി ഹേസല്‍വുഡ് സ്‌ക്വാഡില്‍ ഉണ്ടാകും.
പരിക്ക് കാരണം സ്‌കാനിങ്ങിന് വിധേയനായ അദ്ദേഹം പേശികളുടെ വലിവ് വിശ്രമത്തിലായിരുന്നു. എന്നാല്‍ പെര്‍ത്തില്‍ നടക്കുന്ന ആദ്യ ടെസ്റ്റിന് മുമ്പ് അദ്ദേഹം തിരിച്ചുവരവ് നടത്തും.

ഇടത് തുട ഞരമ്പിന് പരിക്കേറ്റതില്‍ സീന്‍ എബ്ബോട്ടും കളം വിട്ടു. സ്‌കാനിങ്ങില്‍ ഞരമ്പിന് പരിക്ക് പറ്റിയെന്ന് സ്ഥിരീകരിച്ചു. പെര്‍ത്തില്‍ നടക്കുന്ന ആദ്യ ടെസ്റ്റ് മത്സരത്തില്‍ അദ്ദേഹം ടീമില്‍ ഉണ്ടാകില്ല, വരും ആഴ്ചകളില്‍ അദ്ദേഹം കളിക്കളത്തിലേക്ക് മടങ്ങിവരുന്നതിനുള്ള ശ്രമത്തിലായിരിക്കും,’ ക്രിക്കറ്റ് ഓസ്‌ട്രേലിയ പറഞ്ഞു.

സീനിന്റെ വിടവില്‍ ബ്രെന്‍ഡന്‍ ഡൊഗ്ഗെറ്റിന് ടീമിനായി അരങ്ങേറ്റം നടത്താനുള്ള അവസരവും മുന്നിലുണ്ട്. മാത്രമല്ല ക്യാപ്റ്റന്‍ പാറ്റ് കമ്മിന്‍സും പരിക്ക് മൂലം പുറത്തായതിനാല്‍ ഓസീസിനെ നയിക്കുക സ്റ്റീവ് സ്മിത്താണ്.

ആഷസിനുള്ള ഓസ്‌ട്രേലിയന്‍സ്‌ക്വാഡ്

സ്റ്റീവ് സ്മിത് (ക്യാപ്റ്റന്‍), ഷോണ്‍ അബോട്ട്, സ്‌കോട്ട് ബൊലാന്‍ഡ്, അലക്സ് കാരി, ബ്രെന്‍ഡന്‍ ഡോഗെറ്റ്, കാമറൂണ്‍ ഗ്രീന്‍, ജോഷ് ഹേസല്‍വുഡ്, ട്രാവിസ് ഹെഡ്, ജോഷ് ഇംഗ്ലിസ്, ഉസ്മാന്‍ ഖവാജ, മാര്‍നസ് ലാബുഷാഗ്നെ, നഥാന്‍ ലിയോണ്‍, മിച്ചല്‍ സ്റ്റാര്‍ക്ക്, ജെയ്ക്ക് വെതറാള്‍ഡ്, ബ്യൂ വെബ്സ്റ്റര്‍

ഇംഗ്ലണ്ടിന്റെ ആഷസ് സ്‌ക്വാഡ്

ബെന്‍ സ്റ്റോക്‌സ് (ക്യാപ്റ്റന്‍), ജോഫ്ര ആര്‍ച്ചര്‍, ഗസ് ആറ്റ്കിന്‍സണ്‍, ഷൊയ്ബ് ബഷീര്‍, ജാക്കബ് ബെഥെല്‍, ഹാരി ബ്രൂക്ക്, ബ്രൈഡന്‍ കാഴ്‌സ്, സാക്ക് ക്രോളി, ബെന്‍ ഡക്കറ്റ്, വില്‍ ജാക്‌സ്, ഒല്ലി പോപ്പ്, മാത്യു പോട്ട്‌സ്, ജോ റൂട്ട്, ജെയ്മി സ്മിത്, ജോഷ് ടങ്, മാര്‍ക്ക് വുഡ്

Content Highlight: Australian pacer Josh Hazlewood confirmed to return to the team