![?php echo $post['title']; ?>](https://assets.doolnews.com/w/900x473/2025/09/rashid.jpg)
ഏഷ്യാ കപ്പില്‍ അഫ്ഗാനിസ്ഥാനും ബംഗ്ലാദേശും തമ്മില്‍ സൂപ്പര്‍ പോരാട്ടം നടന്നുകൊണ്ടിരിക്കുകയാണ്. മത്സരത്തില്‍ ടോസ് നേടിയ ബംഗ്ലാദേശ് ബാറ്റ് ചെയ്യാന്‍ തീരുമാനിക്കുകയായിരുന്നു. നിലവില്‍ ബാറ്റിങ് പൂര്‍ത്തിയായപ്പോള്‍ അഞ്ച് വിക്കറ്റ് നഷ്ടത്തില്‍ 154 റണ്‍സാണ് ബംഗ്ലാ കടുവകള്‍ നേടിയത്.
ടീമിന് വേണ്ടി മികച്ച ബാറ്റിങ് പ്രകടനം കാഴ്ചവെച്ചത് ഓപ്പണര്‍ തന്‍സിദ് ഹസനാണ്. 31 പന്തില്‍ മൂന്ന് സിക്‌സും നാല് ഫോറും ഉള്‍പ്പെടെ 52 റണ്‍സാണ് താരം നേടിയത്.
28 പന്തില്‍ രണ്ട് ഫോറും ഒരു സിക്‌സും ഉള്‍പ്പെടെ 30 റണ്‍സ് നേടി സൈഫ് ഹസനും മികവ് പുലര്‍ത്തി. നാലാമനായി ഇറങ്ങിയ തൗഹിദ് ഹൃദോയ് 20 പന്തില്‍ 26 റണ്‍സും നേടിയിരുന്നു. മറ്റാര്‍ക്കും തന്നെ ടീമിന്റെ സ്‌കോര്‍ ഉയര്‍ത്തുന്നതില്‍ മികവ് കാണിക്കാന്‍ സാധിച്ചില്ല.
CHANGE OF INNINGS! 🔁@rashidkhan_19 (2/26) and @noor_ahmad_15 (2/23) shared 4 wickets among them as they helped #AfghanAtalan to restrict Bangladesh to 154/5 in the first inning. 👏
Over to our batting unit now…! 👍#AsiaCup2025 | #AFGvBAN | #GloriousNationVictoriousTeam pic.twitter.com/lyEQ9IhYl5
— Afghanistan Cricket Board (@ACBofficials) September 16, 2025
അഫ്ഗാനിസ്ഥാന് വേണ്ടി മികച്ച ബൗളിങ് പ്രകടനം നടത്തിയത് നൂര്‍ അഹമ്മദും റാഷിദ് ഖാനുമാണ്. രണ്ട് വിക്കറ്റുകള്‍ വീതമാണ് ഇരുവരും നേടിയത്. അസ്മത്തുള്ള ഒമര്‍സായി ശേഷിച്ച വിക്കറ്റും നേടി.
ക്യാപ്റ്റനും മിന്നും സ്പിന്നറുമായ റാഷിദ് ഖാന്‍ തന്റെ മികച്ച പ്രകടനത്തിലൂടെ ഒരു തകര്‍പ്പന്‍ റെക്കോഡും സ്വന്തമാക്കിയിരിക്കുകയാണ്. ടി-20 ഫോര്‍മാറ്റില്‍ നടന്ന ഏഷ്യാ കപ്പ് ചരിത്രത്തില്‍ ഏറ്റവും കൂടുതല്‍ വിക്കറ്റ് നേടുന്ന താരമെന്ന നേട്ടമാണ് റാഷിദ് സ്വന്തമാക്കിയത്. ഈ നേട്ടത്തില്‍ ഇന്ത്യന്‍ പേസര്‍ ഭുവനേശ്വര്‍ കുമാറിനെ മറികടന്നാണ് താരം ഒന്നാമനായത്.
ടി – 20 ഏഷ്യാ കപ്പില്‍ ഏറ്റവും കൂടുതല്‍ വിക്കറ്റ് നേടിയ താരങ്ങള്‍ (താരം, ടീം, മത്സരങ്ങള്‍, വിക്കറ്റുകള്‍ എന്നീ ക്രമത്തില്‍)
റാഷിദ് ഖാന്‍ – അഫ്ഗാനിസ്ഥാന് – 10 – 14
ഭുവനേശ്വര്‍ കുമാര്‍ – ഇന്ത്യ – 6 – 13
വാനിന്ദു ഹസരങ്ക – ശ്രീലങ്ക – 8 – 12
അംജദ് ജാവേദ് – യു.എ.ഇ – 7 -12
ഹര്‍ദിക് പാണ്ഡ്യ – ഇന്ത്യ – 10 – 12
അഫ്ഗാനിസ്ഥാന് പ്ലെയിങ് ഇലവന്‍
സെദ്ദിഖുള്ള അടല്‍, റഹ്‌മാനുള്ള ഗുര്‍ബാസ് (വിക്കറ്റ് കീപ്പര്‍), ഇബ്രാഹിം സദ്രാന്‍, മുഹമ്മദ് നബി, ഗുല്‍ബാദിന്‍ നായിബ്, അസ്മത്തുള്ള ഒമര്‍സായി, കരിം ജനത്, റാഷിദ് ഖാന്‍ (ക്യാപ്റ്റന്‍), നൂര്‍ അഹമ്മദ്, എ.എം. ഗസന്‍ഫര്‍, ഫസല്‍ഹഖ് ഫാറൂഖ്
ബംഗ്ലാദേശ് പ്ലെയിങ് ഇലവന്‍
തന്‍സീദ് ഹസന്‍ തമീം, സൈഫ് ഹസന്‍, ലിട്ടണ്‍ ദാസ് (ക്യാപ്റ്റന്‍, വിക്കറ്റ് കീപ്പര്‍), തൗഹിദ് ഹൃദോയ്, മെഹ്ദി ഹസന്‍, നൂറുല്‍ ഹസന്‍, ജാക്കര്‍ അലി, ഷമീം ഹൊസൈന്‍, റിഷാദ് ഹൊസൈന്‍, മുസ്തഫിസുര്‍ റഹ്‌മാന്‍, തസ്‌കിന്‍ അഹമ്മദ്
Content Highlight: Asia Cup: Rashid Khan In Great Record Achievement In Asia Cup
