നടനും സംവിധായകനുമായ മനോബാല അന്തരിച്ചു. 69 വയസായിരുന്നു. കരള് സംബന്ധമായ അസുഖങ്ങളെ തുടര്ന്ന് ചെന്നൈയിലെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. രണ്ടാഴ്ച മുന്പായായിരുന്നു അദ്ദേഹത്തെ ആശുപത്രിയില് പ്രവേശിപ്പിച്ചത്.
മൂന്ന് സിനിമകളും 16 ടി.വി. സീരിയലുകളും സംവിധാനം ചെയ്ത മനോബാല 200 ലധികം സിനിമകളില് അഭിനയിച്ചിട്ടുണ്ട്. കമല്ഹാസന്റെ ശുപാര്ശ പ്രകാരം 1979-ല് പുറത്ത് വന്ന ‘പുതിയവാര്പ്പുകള്’ എന്ന സിനിമയില് സംവിധായകന് ഭാരതി രാജയുടെ സഹായിയായാണ് മനോബാല തന്റെ സിനിമ ജീവിതം ആരംഭിച്ചത്.
2000 ന്റെ ആദ്യ പകുതിയോടെയാണ് അദ്ദേഹം ജനപ്രിയ ഹാസ്യതാരമായത്. പിതാമഹന്, ചന്ദ്രമുഖി, യാരെടീ നീ മോഹിനി, തമിഴ് പടം, അലക്സ് പാണ്ഡ്യന്, അരമനൈ തുടങ്ങിയ ചിത്രങ്ങളില് അദ്ദേഹം അവതരിപ്പിച്ച ഹാസ്യ വേഷങ്ങള് ശ്രദ്ധ നേടിയിരുന്നു.
സത്യന് അന്തിക്കാടിന്റെ സംവിധാനത്തിലൊരുങ്ങിയ ജോമോന്റെ സുവിശേഷങ്ങളിലൂടെ മലയാളത്തിലും മനോബാല തന്റെ സാന്നിധ്യം അറിയിച്ചിരുന്നു.
Content Highlight: Actor and director Manobala passed away