ക്രിക്കറ്റ് ആരാധകര് ഏറെ ആവേശത്തോടെയാണ് ഐ.പി.എല്ലിന്റെ പുതിയ സീസണിനെ കാത്തിരിക്കുന്നത്. മാര്ച്ച് 22നാണ് ടൂര്ണമെന്റ് ആരംഭിക്കുന്നത്. ഡിഫന്ഡിങ് ചാമ്പ്യന്മാരായ കൊല്ക്കത്ത നൈറ്റ് റൈഡേഴ്സും റോയല് ചലഞ്ചേഴ്സ് ബെംഗളൂരുവുമാണ് ഉദ്ഘാടന മത്സരത്തില് ഏറ്റുമുട്ടുക.
Showing off attitude, as if he’s the RCB Captain. 😎
Captain Rajat Patidar reporting at the #RCBUnbox! 🫡 pic.twitter.com/K0hu2FlIDG
— Royal Challengers Bengaluru (@RCBTweets) March 17, 2025
ഐ.പി.എല്ലില് ഇതുവരെ ഒരു കിരീടം പോലും നേടാന് സാധിക്കാത്ത ബെംഗളൂരു ഇത്തവണ രചത് പാടിദാറിന്റെ ക്യാപ്റ്റന്സിയില് ഇറങ്ങുന്നത്. സൂപ്പര് താരം വിരാട് കോഹ്ലി ടീമിനെ നയിക്കുമെന്ന റൂമറുകള് ഉണ്ടായിരുന്നെങ്കിലും ബാറ്റിങ്ങില് ശ്രദ്ധ കേന്ദ്രീകരിക്കാനാണ് വിരാടിന്റെ ലക്ഷ്യം.
ഐ.പി.എല്ലിലെ ആദ്യ മത്സരത്തിന് ഒരുങ്ങുമ്പോള് റോയല് ചലഞ്ചേഴ്സിന്റെ കിങ് കോഹ്ലിക്ക് ഒരു തകര്പ്പന് നാഴികക്കല്ലിലെത്താനുള്ള അവസരവും മുന്നിലുണ്ട്. കരിയറില് 400 ടി-20 മത്സരങ്ങള് പൂര്ത്തിയാക്കാനാണ് താരത്തിന് സാധിക്കുക. ഈ നേട്ടത്തില് ഏറ്റവും കൂടുതല് ടി-20 മത്സരങ്ങള് കളിച്ചത് ഇന്ത്യന് താരം ക്യാപ്റ്റന് രോഹിത് ശര്മയാണ് 448 മത്സരങ്ങളാണ് രോഹിത് കളിച്ചത്.
ഏറ്റവും കൂടുതല് ടി-20 മത്സരങ്ങള് കളിച്ച ഇന്ത്യന് താരങ്ങള്, മത്സരങ്ങള്, റണ്സ്
രോഹിത് ശര്മ – 448 – 11830
ദിനേശ് കാര്ത്തിക് – 412 – 7537
വിരാട് കോഹ്ലി – 399 – 12885
2008 മുതല് ബെംഗളൂരിന്റെ കൂടെയുള്ള താരമാണ് വിരാട്. ക്യാപ്റ്റനെന്ന നിലയിലും ബാറ്റര് എന്ന നിലയിലും മിന്നും പ്രകടനമാണ് താരം കാഴ്ചവെച്ചത്. 2011 മുതല് 2023വരെയാണ് വിരാട് ബെംഗളൂരിന്റെ നായകനായത്. 252 മത്സരങ്ങളില് നിന്ന് 8004 റണ്സാണ് ഐ.പി.എല്ലില് നിന്ന് നേടിയത്. എട്ട് സെഞ്ച്വറിയും 55 അര്ധ സെഞ്ച്വറിയും വിരാട് ബെംഗളൂരുവിന് വേണ്ടി നേടിയിട്ടുണ്ട്.
Content Highlight: 2025 IPL: Virat Kohli has a chance to complete 400 T20 matches
