ശരിയായ നടപടിക്രമങ്ങള് പാലിക്കാതെയുള്ള ഈ വിധി നിയമവിരുദ്ധമാണെന്ന് മേമന്റെ ഹര്ജിയില് പറയുന്നു. ലഭ്യമായ എല്ലാ നിയമവഴികളും തേടുന്നതിനു മുന്പാണ് വധശിക്ഷയ്ക്കുള്ള ഉത്തരവ് പുറത്തിറങ്ങിയതെന്നും ഇത് നിയമവ്യവസ്ഥയ്ക്ക് എതിരാണെന്നും ഇത് നയമവിരുദ്ധമാണ് മേമന്റെ അഭിഭാഷകന് പറയുന്നു.
വധശിക്ഷ ഒഴിവാക്കണമെന്നപേക്ഷിച്ച് മേമന് മഹാരാഷ്ട്ര ഗവര്ണര്ക്ക് ദയാഹര്ജി നല്കിയിരുന്നു. രാഷ്ട്രപതിക്ക് വീണ്ടും ദയാഹര്ജി നല്കാനും മേമന് ആലോചിക്കുന്നുണ്ട്. ആദ്യം സമര്പ്പിച്ച ഹര്ജി രാഷ്ട്രപതി പ്രണബ് മുഖര്ജി കഴിഞ്ഞ വര്ഷം തള്ളിയിരുന്നു. അതേസമയം മേമന്റെ ഭാര്യ ഇന്ന് നാഗ്പൂര് ജയിലില് സന്ദര്ശിച്ചു.
1993 മാര്ച്ച് 12 ന് നടന്ന മുംബൈ സ്ഫോടന പരമ്പരയില് 257 പേരാണ് മരിച്ചത്. 700 ഓളം പേര്ക്ക് പരിക്കേറ്റിരുന്നു. സ്ഫോടനത്തിന് പിന്നില് പ്രവര്ത്തിച്ച യാക്കൂബ് മേമന്റെ സഹോദരനായ ഇബ്രാഹീം മേമന് എന്ന ടൈഗര് മേമനെ ഇത് വരെയും പിടികൂടാനായിട്ടില്ല. ഇയാള് 1993ല് രാജ്യം വിട്ടതായാണ് സൂചന.