ലണ്ടന്‍: വിംബിള്‍ഡണ്‍ വനിതാ സിംഗിള്‍സസ് ഫൈനലില്‍ സെറീന വില്യംസ്, ആഞ്ജലിക് കെര്‍ബറിനെ നേരിടും. ജര്‍മ്മനിയുടെ ജൂലിയ ജോര്‍ജസിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചായിരുന്നു സെറീനയുടെ ഫൈനല്‍ പ്രവേശം. സ്‌കോര്‍ 6-2, 6-4
12-ാം സീഡ് ഒസ്റ്റാപെങ്കോയെ തോല്‍പ്പിച്ചാണ് കെര്‍ബര്‍ ഫൈനലിലേക്ക് യോഗ്യത നേടിയത്. സ്‌കോര്‍ 6-3,6-3
അമ്മയായ ശേഷമുള്ള ആദ്യ കിരീടനേട്ടത്തിനാണ് സെറീന ഒരുങ്ങുന്നത്. 2016 ലെ വിംബിള്‍ഡണ്‍ ഫൈനലിലേറ്റ തോല്‍വിയ്ക്ക് പകരം വീട്ടാനാണ് കെര്‍ബര്‍ റാക്കറ്റേന്തുന്നത്.
വിംബിള്‍ഡണ്‍ കൂടി നേടിയാല്‍ സെറീനയുടെ 24-ാം ഗ്രാന്‍സ്ലാം കിരീടമാകും. രണ്ടു തവണ ഗ്രാന്‍സ്ലാം കിരീടം നേടിയിട്ടുള്ള കെര്‍ബര്‍ രണ്ടാം തവണയാണ് വിംബിള്‍ഡണിന്റെ ഫൈനലിലെത്തുന്നത്. 2016ല്‍ ഓസ്ട്രേലിയന്‍ ഓപ്പണും യു.എസ് ഓപ്പണും കെര്‍ബര്‍ നേടിയിരുന്നു.
ശനിയാഴ്ചയാണ് ഫൈനല്‍.