| Thursday, 19th November 2026, 3:15 pm

ചൈനയ്ക്കുമേൽ ഞങ്ങൾ ചാരവൃത്തി നടത്തുന്നു; ഞങ്ങളതിൽ മികച്ചവരാണ്: ട്രംപ്

ശ്രീലക്ഷ്മി എ.വി.

ഷെൻഷൻ: ചൈനയ്ക്കുമേൽ തങ്ങൾ ചാരവൃത്തി ചെയ്യുന്നുണ്ടെന്നും അതിൽ തങ്ങൾ മികച്ചവരാണെന്നും യു.എസ് പ്രസിഡന്റ് ഡൊണാൾഡ് ട്രംപ്.

ചൈനയിലെ ഷെൻഷനിൽ യു.എസ് പ്രഡിഡന്റ് ഡൊണാൾഡ് ട്രംപും ചൈനീസ് പ്രസിഡന്റ് ഷി ജിൻപിങും റഷ്യൻ പ്രസിഡന്റ് വ്‌ളാദിമിർ പുടിൻ എന്നിവർ പങ്കെടുക്കുന്ന അപെക് ഉച്ചകോടിക്കിടെ ഫോക്സ് ന്യൂസിന് നൽകിയ അഭിമുഖത്തിലാണ് അദ്ദേഹമിക്കാര്യം പറഞ്ഞത്.

മുൻ എൻവിഡിയ സ്ഥാപകൻ ജെൻസൺ ഹുവാങിനെയും ചൈനീസ് ചാരശൃംഖലയുമായി ബന്ധമുണ്ടെന്ന് സംശയിക്കുന്ന ചൈനീസ് വ്യവസായി ആലീസ് ഹുവാങിനെയും കുറിച്ച് സംസാരിക്കുന്നതിനിടെയാണ് ട്രംപിന്റെ പരാമർശം.

യു.എസ് ചൈനയെയും ചൈന യു.എസിനെയും നിരീക്ഷിക്കുന്നുണ്ടെന്നും എന്നാൽ ചൈനയേക്കാൾ നന്നായി തങ്ങളാണ് ചാരവൃത്തി നടത്തുന്നതെന്നും ട്രംപ് പറഞ്ഞു.

അമേരിക്കക്ക് നേരെയുള്ള ചാരവൃത്തി അവസാനിപ്പിക്കാൻ ചൈനയോട് ആവശ്യപ്പെടുമോ എന്ന ചോദ്യത്തിന് ഇരുകൂട്ടരും സമാനമായ രഹസ്യാന്വേഷണ പ്രവർത്തനങ്ങൾ നടത്തുന്നതിനാൽ അത്തരമൊരു ആവശ്യത്തിന് സാധ്യതയില്ലെന്നായിരുന്നു ട്രംപിന്റെ മറുപടി.

അവരത് നിർത്താൻ തന്നോട് ആവശ്യപ്പെട്ടാൽ താൻ നിർത്തുമോയെന്നത് തനിക്കറിയില്ലെന്നും ട്രംപ് കൂട്ടിച്ചേർത്തു.

ചൈനയുമായി ധാരാളം വ്യാപാരങ്ങൾ യു.എസ് നടത്തുന്നുണ്ടെന്നും അത്തരമൊരു ബന്ധം നിലനിർത്തേണ്ടതുണ്ടെന്നും ഉഭയകക്ഷി ബന്ധങ്ങൾ ചൂണ്ടിക്കാട്ടി ട്രംപ് പറഞ്ഞു.

മുൻ എൻവിഡിയ സ്ഥാപകൻ ഉൾപ്പെട്ട വിവാദത്തെക്കുറിച്ച് ട്രാജഡി എന്നായിരുന്നു ട്രംപിന്റെ പ്രതികരണം. ജെൻസൺ ഹുവാങ് ബുദ്ധിമാനായ വ്യക്തിയാണെന്ന് ട്രംപ് പറഞ്ഞു. അമേരിക്ക തങ്ങളുടെ പ്രതിഭകളെ സംരക്ഷിക്കേണ്ടതുണ്ടെന്നും അദ്ദേഹം കൂട്ടിച്ചേർത്തു.

ഈ ആഴ്ച അമേരിക്കൻ സേവനങ്ങൾക്കുണ്ടായ തുടർച്ചയായ സാങ്കേതിക തടസങ്ങളെ കുറിച്ചുള്ള ചോദ്യങ്ങൾക്ക് കമ്പനികൾ പുതിയ ഉപകരണങ്ങൾ സ്ഥാപിക്കുമ്പോൾ ഇത്തരം ഒറ്റപ്പെട്ട സംഭവങ്ങൾ ഉണ്ടാകുമെന്നായിരുന്നു ട്രംപിന്റെ മറുപടി. ഫെഡറൽ ഏവിയേഷൻ അഡ്മിനിസ്ട്രേഷൻ (എഫ്.എഫ്.എ), എൻ.എസ്.എ, മൈക്രോസോഫ്റ്റ്, ആപ്പിൾ, ജെ.പി. മോർഗൻ ചേസ്, യൂണൈറ്റഡ് എയർലൈൻസ് എന്നിവയുൾപ്പെടെ നിരവധി അമേരിക്കൻ സ്ഥാപനങ്ങളിൽ കഴിഞ്ഞ കുറച്ചു ദിവസങ്ങളായി ആശയവിനിമയ-പ്ലാറ്റ്‌ഫോമുകളിൽ തടസങ്ങൾ നേരിട്ടിരുന്നു.

Content Highlight: We spy on China; we are good at it: Trump

ശ്രീലക്ഷ്മി എ.വി.

ഡൂള്‍ന്യൂസില്‍ സബ് എഡിറ്റര്‍ ട്രെയ്‌നി. തിരൂര്‍ തുഞ്ചത്തെഴുത്തച്ഛന്‍ മലയാള സര്‍വകലാശാലയില്‍ നിന്ന് ജേര്‍ണലിസത്തില്‍ ബിരുദാനന്തര ബിരുദം.

Latest Stories

We use cookies to give you the best possible experience. Learn more