മത്സരത്തില് ഇന്ത്യ തകര്പ്പന് ജയമാണ് നേടിയത്. മികച്ച ബാറ്റിങ് പ്രകടനം പുറത്തെടുത്ത സമൃതി മന്ദാനയുടേയും മൂന്ന് വിക്കറ്റ് വീഴ്ത്തിയ അനൂജ പട്ടീലിന്റെയും കരുത്തിലായിരുന്നു ഇന്ത്യന് വിജയം. മുംബൈയിലെ ബ്രബോര്ണെ സ്റ്റേഡിയത്തില് നടന്ന മത്സരത്തില് എട്ട് വിക്കറ്റിനാണ് ഇന്ത്യ ഇംഗ്ലീഷ് പടയെ തോല്പ്പിച്ചത്.
ഇന്ത്യന് ബോളര്മാരില് അനുജ പാട്ടീല് മൂന്ന് വിക്കറ്റുകള് നേടിയപ്പോള് രാധ യാദവ്, ദീപ്തി ശര്മ്മ, പൂനം യാദവ് എന്നിവര് രണ്ട് വിക്കറ്റുകള് വീതം വീഴ്ത്തി. ഇന്ത്യയ്ക്കും, ഇംഗ്ലണ്ടിനും പുറമേ ഓസ്ട്രേലിയ കൂടി പങ്കെടുക്കുന്ന ത്രിരാഷ്ട്ര പരമ്പരയില് ആദ്യം കളിച്ച മൂന്ന് മത്സരങ്ങളും പരാജയപ്പെട്ട ആതിഥേയര് നേരത്തെ തന്നെ ഫൈനല് കാണാതെ പുറത്തായിരുന്നു. അത് കൊണ്ട് തന്നെ ഇന്നത്തെ ജയം ഇന്ത്യയ്ക്ക് വലിയ ആശ്വാസമാണ് സമ്മാനിക്കുന്നത്.