തിരുവനന്തപുരം: സംസ്ഥാനത്ത് അതിശക്തമഴ ഇന്നും തുടരും അടുത്ത മൂന്ന് മണിക്കൂറില് കാറ്റിന്റെ അകമ്പടിയോടെ അതിശക്തമായ മഴയുണ്ടാവുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
ജനങ്ങള് അതീവ ജാഗ്രത പാലിക്കണമെന്നും മുന്നറിയിപ്പില് പറയുന്നു. മലപ്പുറം, പാലക്കാട്, കോഴിക്കോട്, വയനാട്, കണ്ണൂര് തുടങ്ങിയ ജില്ലകളില് റെഡ് അലേര്ട്ട് പ്രഖ്യാപിച്ചിട്ടുണ്ട്.
കനത്ത മഴയെ തുടര്ന്ന് പമ്പയില് വെള്ളപ്പൊക്കവും മണ്ണിടിച്ചില് സാധ്യതയും നിലനില്ക്കുന്ന സാഹചര്യത്തില് ജാഗ്രത നിര്ദേശമുണ്ട്. ഇന്നും നാളെയും തീയതികളില് നിറപുത്തരി ദര്ശനത്തിനായി ശബരിമലയിലേക്ക് യാത്ര ചെയ്യുന്ന ഭക്തര് സുരക്ഷാ മുന്നറിയിപ്പിന്റെ അടിസ്ഥാനത്തില് തീരുമാനം പുനപരിശോധിക്കണമെന്ന് തിരുവിതാംകൂര് ദേവസ്വം ബോര്ഡ് അറിയിച്ചു.
എട്ട് ജില്ലകളില് വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. ഇന്ന് നടത്താനിരുന്ന സ്റ്റേറ്റ് എലിജിബിലിറ്റി ടെസ്റ്റ് മാറ്റിവെച്ചിട്ടുണ്ട്. പുതുക്കിയ തിയതി പിന്നീട് അറിയിക്കും.
എംജി സര്വകലാശാല തിങ്കളാഴ്ച നടത്താനിരുന്ന രണ്ടാം സെമസ്റ്റര് എം.എ (സി.എസ്.എസ്) (2025 അഡ്മിഷന് റഗുലര്. 2024 അഡ്മിഷന് ഇംപ്രൂവ്മെന്റ്, 2020 മുതല് 2024വരെ അഡ്മിഷനുകള് റീ അപ്പിയറന്സ്, 2019 ആദ്യ മെഴ്സി ചാന്സ്) മേയ് 26ന്റെ പ്രാക്ടിക്കല് പരീക്ഷകളും മാറ്റിവെച്ചിട്ടുണ്ട്
Content Highlight: Very heavy rain to continue in the state: Red alert in six districts.