കഴിഞ്ഞ ദിവസം നടന്ന സൗത്ത് ആഫ്രിക്കയ്ക്കെതിരെ നടന്ന രണ്ടാം യൂത്ത് ഏകദിനത്തിലും ഇന്ത്യ തകര്പ്പന് വിജയമായിരുന്നു സ്വന്തമാക്കിയത്. മഴ വില്ലനായെത്തിയ മത്സരത്തില് എട്ട് വിക്കറ്റിനാണ് ഇന്ത്യയുടെ ജയം. ടോസ് നേടി ആദ്യം ബാറ്റ് ചെയ്ത സൗത്ത് ആഫ്രിക്ക അണ്ടര് 19 246 റണ്സാണ് നേടിയത്.
മഴമൂലം ഇന്ത്യയുടെ വിജയലക്ഷ്യം 27 ഓവറില് 176 റണ്സാക്കുകയായിരുന്നു. തുടര്ന്ന് 21 പന്തുകള് ബാക്കിനില്ക്കെ രണ്ട് വിക്കറ്റ് നഷ്ടത്തില് ഇന്ത്യ വിജയലക്ഷ്യം മറികടക്കുകയായിരുന്നു.
ഇന്ത്യന് ക്യാപ്റ്റന് വൈഭവ് സൂര്യവംശിയുടെ കര്പ്പന് പ്രകടനത്തിന്റെ കരുത്തിലാണ് ഇന്ത്യ വിജയം നേടിയത്. 24 പന്തില് 10 സിക്സും ഒരു ഫോറും ഉള്പ്പെടെ 68 റണ്സെടുത്താണ് വൈഭവ് തിളങ്ങിയത്.
ഇതോടെ ഒരു തകര്പ്പന് റെക്കോഡ് സ്വന്തമാക്കാനും 14കാരനായ വൈഭവിന് സാധിച്ചിരിക്കുകയാണ്. യൂത്ത് ഏകദിനത്തില് ഏറ്റവും വേഗമേറിയ അര്ധ സെഞ്ച്വറി സ്വന്തമാക്കാനാണ് താരത്തിന് സാധിച്ചത്. വെറും 15 പന്തില് നിന്നാണ് വൈഭവ് 50 റണ്സ് പൂര്ത്തിയാക്കിയത്.
നേരത്തെ ഈ റെക്കോഡ് നേട്ടത്തില് ഇടം നേടിയ റിഷബ് പന്ത് 18 പന്തിലാണ് വെഗമേറിയ അര്ധ സെഞ്ച്വറി സ്വന്തമാക്കിയത്. ഇപ്പോള് ഇന്ത്യയുടെ വൈഭവ് എന്ന അത്ഭുതക്കുട്ടി വീണ്ടും അമ്പരപ്പിക്കുകയാണ്. ഈ 14കാരന് ഇന്ത്യയ്ക്ക് വേണ്ടി കളിച്ച എല്ലാ ഫോര്മാറ്റിലും മികച്ച പ്രകടനവുമായാണ് മുന്നേറുന്നത്. വൈകാതെ തന്നെ താരത്തിന്റെ ഇന്ത്യന് സീനിയര് ടീമിലേക്ക് കോള് ലഭിക്കുമെന്നാണ് പ്രതീക്ഷ.
അതേസമയം ഇന്ത്യയ്ക്കായി കിഷന് കുമാര് സിങ് നാല് വിക്കറ്റെടുത്തപ്പോള് അംബ്രിഷ് രണ്ട് വിക്കറ്റും നേടി. മൂന്ന് മത്സര പരമ്പരയിലെ ആദ്യ മത്സരം ഇന്ത്യ ഡക്വര്ത്ത് ലൂയിസ് നിയമപ്രകാരം 25 റണ്സിന് ജയിച്ചിരുന്നു. ഇതോടെ മൂന്ന് മത്സരങ്ങളടങ്ങിയ പരമ്പരയില് ആദ്യ രണ്ട് മത്സരവും ജയിച്ച് വൈഭവിന്റെ ക്യാപ്റ്റന്സിയില് ഇന്ത്യ പരമ്പര സ്വന്തമാക്കിയിരിക്കുകയാണ്.
മത്സരത്തില് വൈഭവിന് പുറമെ അഭിഗ്യാന് കുണ്ടു 48 റണ്സ് നേടി മികവ് പുലര്ത്തി. 20 റണ്സ് നേടിയ മലയാളി താരം ആരോണ് ജോര്ജും ഇന്ത്യയ്ക്ക് വേണ്ടി സ്കോര് ഉയര്ത്തി. അതേസമയം മത്സരത്തില് സൗത്ത് ആഫ്രിക്കയ്ക്ക് വേണ്ടി ജേസണ് റോവല്സിന്റെ സെഞ്ച്വറിയായിരുന്നു തുണയായിരുന്നത്. 113 പന്തില് 114 റണ്സെടുത്ത റോവല്സ് ഏഴ് ഫോറും മൂന്ന് സിക്സും പറത്തി.
Content Highlight: Vaibhav Suryavanshi In Great Record Achievement In Youth ODI