മഹാരാഷ്ട്രയിൽ കോൺഗ്രസ്-എൻ.സി.പി. സഖ്യത്തെ പിന്തുണച്ച് യുണൈറ്റഡ് റിപ്പബ്ലിക്കൻ പാർട്ടി

മുംബൈ: മഹാരാഷ്ട്രയിൽ കോൺഗ്രസ്-എൻ.സി.പി. സഖ്യത്തെ പിന്തുണച്ചുകൊണ്ട് യുണൈറ്റഡ് റിപ്പബ്ലിക്കൻ പാർട്ടി രംഗത്തെത്തി. ലോക്സഭാ തെരഞ്ഞെടുപ്പിന് മുന്നോടിയായാണ് ഈ നീക്കം. റിപ്പബ്ലിക്കൻ പാർട്ടി അംഗങ്ങൾ കോൺഗ്രസ് സംസ്ഥാന അദ്ധ്യക്ഷൻ അശോക് ചവാനുമായും എൻ.സി.പി. സംസ്ഥാന അദ്ധ്യക്ഷൻ ഞായറാഴ്ച്ച മുംബയിൽ വെച്ച് കൂടിക്കാഴ്ച്ച നടത്തി.

Also Read കേരളത്തിനെതിരെ നുണ പറഞ്ഞ് മോദി; ബി.ജെ.പി പ്രവര്‍ത്തകരെ കൊന്നു കൊണ്ടിരിക്കുന്നുവെന്ന് പ്രധാനമന്ത്രി

വരുന്ന ലോക്സഭാ തെരഞ്ഞെടുപ്പിൽ മഹാരാഷ്ട്രയിലെ ആകെമൊത്തം 48 ലോക്സഭാ സീറ്റുകളിൽ 40 എണ്ണം എൻ.സി.പിയും കോൺഗ്രസും തമ്മിൽ പങ്കിട്ടെടുക്കാനാണ് തീരുമാനം. ഇരു പാർട്ടികളും 20 സീറ്റുകളിലായി മത്സരിക്കും. ബാക്കിയുള്ള 8 സീറ്റുകൾ തങ്ങളുടെ സഖ്യകക്ഷികൾക്കായി മാറ്റി വെച്ചിരിക്കുകയാണ് കോൺഗ്രസും എൻ.സി.പിയും.

Also Read പൊലീസ് ജീപ്പ് തടഞ്ഞു, എസ്.ഐയെ വലിച്ചിറക്കാന്‍ ശ്രമിച്ചു; പൊലീസുകാരെ വളഞ്ഞിട്ടാക്രമിക്കുന്ന ബി.ജെ.പിക്കാരുടെ ദൃശ്യങ്ങള്‍ പുറത്ത് -വീഡിയോ

“ബി.ജെ.പിയെയും ശിവസേനയെയും ഭരണത്തിൽ നിന്നും താഴെയിറക്കാൻ എല്ലാ പാർട്ടികളും ഒന്നിക്കുകയാണ്. ഇവരെ എങ്ങനെ ഉൾക്കൊള്ളാം എന്നാണു ഞങ്ങൾ ഇപ്പോൾ ആലോചിക്കുന്നത്. 8 സീറ്റുകളിൽ ആർക്കൊക്കെ എന്ന കാര്യത്തിൽ തീരുമാനമായി വരികയാണ്. അക്കാര്യത്തിൽ അന്തിമ തീരുമാനമെടുക്കുന്നത് രാഹുൽ ഗാന്ധിയും ശരദ് പവാറുമായിരിക്കും.” സംസ്ഥാന അദ്ധ്യക്ഷൻ അശോക് ചവാൻ പറഞ്ഞു.