ഉലുവക്കഞ്ഞി

കര്‍ക്കട മാസത്തിലെ ആരോഗ്യ സംരക്ഷണചര്യകളില്‍ പ്രധാനപ്പെട്ട ഒന്നാണ് ഉലുവക്കഞ്ഞി. കര്‍ക്കിടമാസം ഒന്നാം തിയ്യതി മുതല്‍ എല്ലാദിവസവും പ്രഭാതഭക്ഷണത്തിന് മുമ്പായി ഉലുവകഞ്ഞി കഴിക്കുന്നതായിരുന്നു പഴമക്കാരുടെ ശീലം. ഇന്നും ചിലയാളുകള്‍ ഇതു പിന്തുടരുന്നുണ്ട്. വാതരോഗങ്ങള്‍ക്കും ഗര്‍ഭാശയരോഗങ്ങള്‍ക്കും പ്രതിവിധിയായിട്ടാണ് ഉലുവ ഉപയോഗിക്കുന്നതെന്നാണ് പറയപ്പെടുന്നത്.

ചേരുവകള്‍:

1

ഉലുവ
വന്‍പയര്‍
മുതിര
ചെറുപയര്‍
ഉഴുന്ന്
കടല
ഗ്രീന്‍പീസ്

2
മുത്താറി: ഒരു കപ്പ്
ഞവര അരി: ഒരു കപ്പ്
ഉണക്കലരി: ഒരു കപ്പ്
ഗോതമ്പ്: ഒരു കപ്പ്
ജീരകം: ഒരു ടീസ്പൂണ്‍

3

നെയ്യ്
തേങ്ങാപ്പാല്‍
ശര്‍ക്കര

ഒന്നാമത്തെ ചേരുവകളെല്ലാം അല്പം എടുത്ത് ആറുമണിക്കൂറോളം കുതിര്‍ത്തിടുക. പിന്നീട് ഒരു മണ്‍കലത്തില്‍ കുതിര്‍ത്ത പയറുകളും രണ്ടാമത്തെ ചേരുവള്‍ ചേര്‍ത്ത് വെള്ളവും ചേര്‍ത്ത് നന്നായി വേവിക്കുക. വെന്തശേഷം തേങ്ങാപ്പാലൊഴിച്ച് നെയ്യും ചേര്‍ത്ത് വാങ്ങിവെക്കാം.

ആവശ്യമുള്ളവര്‍ക്ക് ശര്‍ക്കര ചേര്‍ത്ത് കഴിക്കാം.