ന്യൂദല്ഹി: അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ഇന്ത്യാ സന്ദര്ശനം ആഘോഷമാക്കി സോഷ്യല് മീഡിയ. ഡൊണാള്ഡ്
ട്രംപിനെ ബാഹുബലിയാക്കി ചിത്രീകരിച്ച വീഡിയോ സോഷ്യല് മീഡിയയില് ഇപ്പോള് വൈറലാണ്. വീഡിയോ ഡൊണാള്ഡ് ട്രംപും ട്വീറ്റ് ചെയ്തതോടെ സോഷ്യല് മീഡിയയിലെ ഇപ്പോഴത്തെ ചര്ച്ചാ വിഷയമായി മാറിയിരിക്കുകയാണിത്
ഇതിനോടകം 1.5 മില്ല്യണ് ആളുകളാണ് വീഡിയോ കണ്ടത്.
ഇന്ത്യന് സുഹൃത്തുക്കളെ കാണാന് കാത്തിരിക്കുന്നു എന്ന് പറഞ്ഞാണ് ട്രംപ് വീഡിയോ റീട്വീറ്റ് ചെയ്തത്. ഇന്ത്യയും അമേരിക്കയും ഒന്നിക്കുന്ന എന്ന ടൈറ്റിലിലാണ് വീഡിയോ ഇറക്കിയത്. അമേരിക്കയില് നിന്നും നിരവധി പേര് വീഡിയോയ്ക്ക് കമന്റുമായി രംഗത്തെത്തിയിട്ടുണ്ട്.
ചിലര് പരിഹസിച്ചത് ട്രംപിനു മനസിലാകാതെയാണ് വീഡിയോ റീട്വീറ്റ് ചെയ്തത് എന്ന് ഉന്നയിക്കുന്നുണ്ട്. എന്നാല് ട്രംപിനെ പരിഹസിക്കാനല്ല വീഡിയോ ചെയ്തത് എന്നാണ് വീഡിയോ പുറത്തിറക്കിയ സോള് മീംസ് പറയുന്നത്.അമേരിക്കന് പ്രസിഡന്റ് ഡൊണാള്ഡ് ട്രംപ് ഫെബ്രുവരി 24നാണ് ഇന്ത്യയിലെത്തുന്നത്.