എറണാകുളം: എറണാകുളം ചേന്ദമംഗലത്ത് ഒരു വീട്ടിലെ മൂന്ന് പേരെ വെട്ടിക്കൊന്നു. ഒരാള് ഗുരുതരാവസ്ഥയില് ചികിത്സയിലാണ്. പ്രതിയെ പൊലീസ് ഉടൻ തന്നെ അറസ്റ്റ് ചെയ്തു. ഇന്ന് വൈകീട്ടാണ് ഒരു വീട്ടിലെ നാല് പേർക്ക് വെട്ടേറ്റത്.
അതിൽ ഗുരുതരമായി പരിക്കേറ്റ മൂന്ന് പേരാണ് മരണപ്പെട്ടത്. അപകടമുണ്ടായപ്പോൾ തന്നെ ഇവരെ പറവൂർ താലൂക്ക് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
വേണു, വിനീഷ, ഉഷ എന്നിവരാണ് മരിച്ചത്. ഇന്ന് വൈകീട്ടാണ് അയൽവാസിയായ ഋതു എന്നയാൾ ഇവരുടെ വീട്ടിലെത്തി അക്രമം അഴിച്ച് വിട്ടത്. അയൽവാസികൾ തമ്മിലുള്ള തർക്കമാണ് ആക്രമണത്തിന് കാരണമെന്നാണ് പ്രാഥമിക നിഗമനം.
ഇന്ന് വൈകിട്ടാണ് നാടിനെ നടുക്കിയ അരുംകൊല നടന്നത്. പറവൂർ താലുക്ക് ആശുപത്രിയിലാണ് മൂന്ന് പേരുടെയും മൃതദേഹങ്ങള് സൂക്ഷിച്ചിരിക്കുന്നത്. പ്രതി മാനസികപ്രശ്നം ഉള്ള ആളാണോ എന്ന് സംശയമുണ്ടെന്ന് റൂറല് എസ്പി പറഞ്ഞു. ലഹരിക്ക് അടിമയാണോ എന്നതിൽ പരിശോധന വേണം. ഇയാൾ നേരത്തെ പല കേസുകളിലും പ്രതിയാണ്.
2022 മുതൽ റൗഡി ലിസ്റ്റിൽ ഉള്ള ആളാണ് പൊലീസിന്റെ കസ്റ്റഡിയിലുള്ള ഋതു. വടക്കൻ പറവൂർ, വടക്കേക്കര സ്റ്റേഷനുകളിൽ ഇയാളുടെ പേരില് കേസുണ്ടെന്നും പൊലീസ് വ്യക്തമാക്കി. വടക്കൻ പറവൂരിൽ അടിപിടിക്കേസിലും പ്രതിയാണ്.
വേണുവിന്റെ കുടുംബവുമായുള്ള തര്ക്കമാണ് അരുംകൊലയില് കലാശിച്ചതെന്നാണ് വിവരം. പ്രതി ലഹരിക്ക് അടിമയാണെന്നും സൂചനയുണ്ട്. ഇയാള്ക്കെതിരെ വേണുവും കുടുംബവും നേരത്തേ പൊലീസില് പരാതി നല്കിയിരുന്നു.
Content Highlight: Three people were hacked to death in a house in Chendamangalam, Ernakulam; The accused was arrested