ഇതിഹാസതാരം ലയണല്‍ മെസിയുടെ വിരമിക്കല്‍ മത്സരത്തിന് ഒരുങ്ങുകയാണ് അര്‍ജന്റീന. നാളെ (ഒക്ടോബര്‍ ആറിന്) ബെനിനെതിരെയാണ് മെസി അന്താരാഷ്ട്ര ഫുട്‌ബോളില്‍ അര്‍ജന്റീനയ്ക്ക് വേണ്ടി അവസാനമായി ബൂട്ട് കെട്ടുന്നത്. മത്സരത്തിന് മുന്നോടിയായി അര്‍ജന്റൈന്‍ താരം തിയാഗോ അല്‍മാഡ മെസിയെക്കുറിച്ച് സംസാരിച്ചിരുന്നു.
മൈതാനത്തേക്ക് ഇറങ്ങുന്നതിന് മുമ്പ് മെസി സംസാരിക്കുന്നതിനായി എല്ലാവരും കാത്തിരിക്കുമായിരുന്നുവെന്നും അത് തങ്ങള്‍ക്ക് ഏറെ പ്രചോദനവും ആവേശവും നല്‍കിയിരുന്നുവെന്നും അല്‍മാഡ പറഞ്ഞു. മെസി ടീമില്‍ നിന്ന് മടങ്ങിയാല്‍ തങ്ങള്‍ക്ക് ഏറെ നഷ്ടമാകാന്‍ പോകുന്നതും മെസിയുടെ വാക്കുകളായിരിക്കുമെന്ന് അല്‍മാഡ ചൂണ്ടിക്കാട്ടി. തങ്ങളെപ്പോലുള്ള യുവതാരങ്ങള്‍ മെസിയില്‍ നിന്ന് ഓരോ ദിവസവും പഠിക്കുകയാണെന്നും അദ്ദേഹത്തിന്റെ പാത പിന്തുടരുകയാണെന്നും താരം കൂട്ടിച്ചേര്‍ത്തു.
‘ഞങ്ങള്‍ മൈതാനത്തേക്ക് ഇറങ്ങുന്നതിന് മുമ്പ് മെസി സംസാരിക്കുന്നതിനായി എല്ലാവരും കാത്തിരിക്കുമായിരുന്നു. ശരിയായ സമയത്ത് ശരിയായ വാക്കുകള്‍ പറയാന്‍ അദ്ദേഹത്തിന് എപ്പോഴും കഴിഞ്ഞിരുന്നു. അതുകൊണ്ടുതന്നെ മൈതാനത്തേക്ക് ഇറങ്ങുമ്പോള്‍ ഞങ്ങള്‍ അത്യന്തം ആവേശത്തിലും പ്രചോദനത്തിലുമായിരുന്നു. ഇനി ഞങ്ങള്‍ക്ക് ഏറെ നഷ്ടമാകാന്‍ പോകുന്നതും അതുതന്നെയാണെന്ന് ഞാന്‍ കരുതുന്നു.
ലയണല്‍ മെസിയും തിയാഗോ അല്‍മാഡയും- Photo: World Soccer Talk
ലോകകപ്പ് അതിമനോഹരമായിരുന്നു. അതിനിടെ അദ്ദേഹം ഒരുപാട് ഗോളുകള്‍ നേടി, ഓരോ മത്സരത്തിലും ഒരു താരമായി തിളങ്ങി. ഞങ്ങളെപ്പോലുള്ള യുവതാരങ്ങള്‍ അദ്ദേഹത്തില്‍ നിന്ന് ഓരോ ദിവസവും പഠിക്കുകയാണ്. അദ്ദേഹത്തെ നിരീക്ഷിക്കുകയും എല്ലാ കാര്യങ്ങളിലും അദ്ദേഹത്തിന്റെ പാത പിന്തുടരുകയും ചെയ്യുന്നു.
ഞങ്ങള്‍ക്ക് വേണ്ടി അദ്ദേഹം നല്‍കിയ എല്ലാത്തിനും, ഞാന്‍ അദ്ദേഹത്തോട് നന്ദി പറയുന്നു. ഒരു വ്യക്തിയെന്ന നിലയിലും താരമെന്ന നിലയിലും വളരാന്‍ അദ്ദേഹം എന്നെ സഹായിച്ചു. അദ്ദേഹം നല്‍കിയ ഓരോ ഉപദേശത്തിനും നന്ദി. ഡ്രസിങ് റൂമിലും മൈതാനത്തും അദ്ദേഹത്തെ ഒരുപാട് മിസ് ചെയ്യും,’ അല്‍മാഡ പറഞ്ഞു.
ഐതിഹാസികമായ ഒരു ഫുട്ബോള്‍ കരിയറാണ് ലോക ഫുട്‌ബോളില്‍ ലയണല്‍ മെസി പടുത്തുയര്‍ത്തിയത്. 2023ലെ ലോകകപ്പ് സ്വന്തമാക്കിയതിന് പുറമെ 2026 ഫിഫ ലോകകപ്പില്‍ ഫൈനല്‍ വരെ മുന്നേറാനും മെസിയുടെ മികവില്‍ അര്‍ജന്റീനക്ക് സാധിച്ചിരുന്നു.
2026ലെ കലാശപ്പോരാട്ടത്തില്‍ സ്പെയ്നിനോട് പരാജയപ്പെട്ട് അര്‍ജന്റീനക്ക് കിരീടം നഷ്ടമാവുകയായിരുന്നു. ന്യൂയോര്‍ക്ക് ന്യൂ ജേഴ്സി സ്റ്റേഡിയത്തില്‍ നടന്ന കലാശ പോരാട്ടത്തില്‍ എതിരില്ലാത്ത ഒരു ഗോളിന് അര്‍ജന്റീനയെ വീഴ്ത്തിയാണ് സ്‌പെയ്ന്‍ ചാമ്പ്യന്മാരായത്.
എന്നിരുന്നാലും ലോകകപ്പില്‍ മിന്നും പ്രകടനം നടത്തി ആരാധകരുടെ ഹൃദയം കീഴടക്കിയാണ് മെസി മടങ്ങിയത്. എട്ട് ഗോളുകളും നാല് അസിസ്റ്റുകളും നേടിയാണ് മെസി തിളങ്ങിയത്. ലോകകപ്പ് ചരിത്രത്തില്‍ 21 ഗോളുകളാണ് മെസി നേടിയത്. ലോകകപ്പ് ചരിത്രത്തിലെ എക്കാലത്തെയും മികച്ച രണ്ടാമത്തെ ഗോള്‍ വേട്ടക്കാരനും അര്‍ജന്റൈന്‍ ഇതിഹാസമാണ്.
Content Highlight: Thiago Almada Talking About Lionel Messi