ആരാധകര്ക്ക് വലിയ ആവേശവും എന്നും ഓര്മിക്കാന് ഒരുപാട് നല്ല നിമിഷങ്ങളും നല്കി ഒരു ടി – 20 ലോകകപ്പിന് കൂടി വിരാമമായിരിക്കുന്നു. സ്വന്തം മണ്ണില് നടന്ന ഈ ടൂര്ണമെന്റില് കപ്പുയര്ത്തി ഇന്ത്യ ചരിത്രം സൃഷ്ടിച്ചിരിക്കുകയാണ്. കിരീടം നിലനിര്ത്തിയതിനൊപ്പം തന്നെ മൂന്നാം തവണ ചാമ്പ്യന്പട്ടവും തങ്ങളുടെ പേരിലാക്കിയാണ് നീലപ്പട ഈ യാത്ര അവസാനിപ്പിച്ചത്.
മാര്ച്ച് എട്ടിന് അഹമ്മദാബാദില് നടന്ന മത്സരത്തില് ആദ്യം ബാറ്റ് ചെയ്ത ഇന്ത്യ 256 റണ്സിന്റെ വിജയലക്ഷ്യമുയര്ത്തിയിരുന്നു. ഇത് പിന്തുടര്ന്ന ന്യൂസിലാന്ഡിന് 96 റണ്സ് അകലെ കാലിടറി. അതോടെ ഇന്ത്യ കൂറ്റന് വിജയത്തോടെ ലോകത്തിന്റെ നെറുകയിലെത്തി.
സൂര്യകുമാര് യാദവ്. Photo: The Cricket Panda/x.com
ഈ വീജയത്തോടെ ഒരു സൂപ്പര് നേട്ടത്തില് ഇന്ത്യന് ക്യാപ്റ്റന് സൂര്യകുമാര് യാദവിന് ഒന്നാമതെത്താന് സാധിച്ചു. ടി – 20യില് സ്കോര് പ്രതിരോധിച്ച് ഏറ്റവും കൂടുതല് വിജയം നേടിയ ക്യാപ്റ്റന് എന്ന പൊന്തൂവലാണ് സ്കൈ തന്റെ പേരില് കുറിച്ചത്. 34 മത്സരങ്ങളില് ടോട്ടല് ഡിഫന്ഡ് ചെയ്ത് താരം ഇന്ത്യയ്ക്ക് 27 വിജയങ്ങള് സമ്മാനിച്ചാണ് ഒന്നാമതെത്തിയത്.
ഈ റെക്കോഡ് നേട്ടത്തില് മുന് ഇന്ത്യന് നായകന് രോഹിത് ശര്മയെയും മുന് ന്യൂസിലാന്ഡ് ക്യാപ്റ്റന് കെയ്ന് വില്യംസണെയും സൂര്യ മറികടക്കുകയും ചെയ്തു. നേരത്തെ, ഇരുവരും 27 വിജയങ്ങളുമായി ഒന്നാം സ്ഥാനം പങ്കിട്ടിരുന്നു.
രോഹിത് ശര്മ. Photo: BCCI/x.com
രോഹിത് 35 മത്സരങ്ങളിലാണ് ഇത്രയും വിജയം സ്വന്തമാക്കിയെങ്കില് വില്യംസണ് കിവീസിനെ പത്ത് മത്സരങ്ങളില് അധികം നയിക്കേണ്ടി വന്നു. ഇപ്പോള് ഒരൊറ്റ വിജയം കൊണ്ട് മറികടന്ന് സൂര്യ ഈ റെക്കോഡ് തന്റെ പേരിലാക്കിയിരിക്കുകയാണ്.
(താരം – ടീം – മത്സരങ്ങള് – വിജയം എന്നീ ക്രമത്തില്)
സൂര്യകുമാര് യാദവ് – ഇന്ത്യ – 34 – 28
രോഹിത് ശര്മ – ഇന്ത്യ – 35 – 27
കെയ്ന് വില്യംസണ് – ന്യൂസിലാന്ഡ് – 45 – 27
അസ്കര് അഫ്ഗാന് – അഫ്ഗാനിസ്ഥാന് – 30 – 25
സല്മാന് അലി ആഘ – പാകിസ്ഥാന് – 31 – 20
എം.എസ്. ധോണി – ഇന്ത്യ – 36 – 20
Content Highlight: Suryakumar Yadav Surpassed Rohit Sharma and Kane Williamson in captains with most T20I wins while defending totals
സ്പോർട്സ് അപ്ഡേറ്റുകൾ ഇനി മിസ് ചെയ്യരുത്. വാട്സ്ആപ്പിലൂടെ നിങ്ങളിലെത്താൻ ജോയിൻ ചെയ്യൂ