സെപ്റ്റംബര് ഒമ്പതിനാണ് ക്രിക്കറ്റ് ലോകം കാത്തിരിക്കുന്ന ഏഷ്യാ കപ്പ് ആരംഭിക്കുന്നത്. ടൂര്ണമെന്റിനായുള്ള വമ്പന് തയ്യാറെടുപ്പിലാണ് ഇന്ത്യ. ഇതോടെ കഴിഞ്ഞദിവസം (ചൊവ്വ) നടന്ന പത്രസമ്മേളനത്തില് 15 അംഗങ്ങളുടെ ഇന്ത്യന് സ്ക്വാഡും പ്രഖ്യാപിച്ചിരുന്നു.
സൂര്യകുമാര് യാദവിനെ ക്യാപ്റ്റന് ആയും ശുഭ്മന് ഗില്ലിനെ വൈസ് ക്യാപ്റ്റനായുമാണ് നിയമിച്ചാണ് ഇന്ത്യ സ്ക്വാഡ് പുറത്ത് വിട്ടത്. പ്രതീക്ഷിച്ചപോലെ മലയാളി താരം സഞ്ജു സാംസന് സ്ക്വാഡില് ഇടം നേടിയിട്ടുണ്ട്. ഫസ്റ്റ് ചോയ്സ് വിക്കറ്റ് കീപ്പറും ഓപ്പണറും ആയിട്ടായിരിക്കും സഞ്ജുവിനെ പരിഗണിക്കുക. ഇപ്പോള് സഞ്ജുവിനെ ടീമിലെടുക്കാതിരിക്കാന് കഴിയില്ലെന്ന് പറയുകയാണ് മുന് ഇന്ത്യന് താരവും ക്രിക്കറ്റ് കമന്റേറ്ററുമായ സുനില് ഗവാസ്കര്.
ഇന്ത്യന് പ്ലെയിങ് ഇലവനിലെ ഏത് സ്ഥാനങ്ങളിലും കളിക്കാന് കഴിവുള്ള താരമാണ് സഞ്ജുവെന്നും താരത്തിന് അഞ്ചാം നമ്പറിലോ ആറാം നമ്പറിലോ ബാറ്റ് ചെയ്യാന് സാധിക്കുമെന്നും ഗവാസ്കര് പറഞ്ഞു.
‘ടീമില് ലോവര് ഓര്ഡറില് ബാറ്റ് ചെയ്യാന് കഴിയുന്ന താരമായി സഞ്ജുവിന് തുടരാന് സാധിക്കും. അഞ്ചോ ആറോ സ്ഥാനത്ത് ബാറ്റ് ചെയ്യാന് സഞ്ജുവിന് കഴിയും. അവനെ ഒഴിവാക്കരുത്. സഞ്ജുവിന് വ്യത്യസ്ത ബാറ്റിങ് ഓര്ഡറുമായി പൊരുത്തപ്പെടാന് കഴിയും. എല്ലാത്തിനുമുപരി അവന് ഒരു വിക്കറ്റ് കീപ്പര് ആണ്. സഞ്ജുവിന് കഴിവുള്ളതിനാല് നമ്മള് അവനെക്കുറിച്ച് അധികം വിഷമിക്കേണ്ടതില്ല,’ സുനില് ഗവാസ്കര് പറഞ്ഞു.
സൂര്യ കുമാര് യാദവ് (ക്യാപ്റ്റന്), ശുഭ്മന് ഗില് (വൈസ് ക്യാപ്റ്റന്), അഭിഷേക് ശര്മ, തിലക് വര്മ, ഹാര്ദിക് പാണ്ഡ്യ, ശിവം ദുബെ, അക്സര് പട്ടേല്, ജിതേഷ് ശര്മ (വിക്കറ്റ് കീപ്പര്), ജസ്പ്രീത് ബുംറ, അര്ഷ്ദീപ് സിങ്, വരുണ് ചക്രവര്ത്തി, കുല്ദീപ് യാദവ്, സഞ്ജു സാംസണ്, ഹര്ഷിത് റാണ, റിങ്കു സിങ്
അതേസമയം ഇന്ത്യയും പാകിസ്ഥാനും ടൂര്ണമെന്റില് ഒരേ ഗ്രൂപ്പില് തന്നെയാണെന്നതും ആരാധകര്ക്ക് ആവേശം സൃഷ്ടിക്കുന്ന ഒന്നാണ്. ഗ്രൂപ്പ് ഘട്ടവും ഫൈനലുമടക്കം മൂന്ന് തവണ ഇന്ത്യയും പാകിസ്ഥാനും നേര്ക്കുനേര് വരാനുള്ള സാധ്യതകളുമുണ്ട്.
ഗ്രൂപ്പ് എ
ഇന്ത്യ
ഒമാന്
പാകിസ്ഥാന്
യു.എ.ഇ
ഗ്രൂപ്പ് ബി
അഫ്ഗാനിസ്ഥാന്
ബംഗ്ലാദേശ്
ഹോങ് കോങ്
ശ്രീലങ്ക
സെപ്റ്റംബര് 9 – അഫ്ഗാനിസ്ഥാന് vs ഹോങ് കോങ് – അബുദാബി
സെപ്റ്റംബര് 10 – ഇന്ത്യ vs യു.എ.ഇ- ദുബായ്
സെപ്റ്റംബര് 11 – ഹോങ് കോങ് vs ബംഗ്ലാദേശ് – അബുദാബി
സെപ്റ്റംബര് 12 – പാകിസ്ഥാന് vs ഒമാന് – ദുബായ്
സെപ്റ്റംബര് 13 – ബംഗ്ലാദേശ് vs ശ്രീലങ്ക – അബു ദാബി
സെപ്റ്റംബര് 14 – ഇന്ത്യ vs പാകിസ്ഥാന് – ദുബായ്
സെപ്റ്റംബര് 15 – യു.എ.ഇ vs ഒമാന് – അബുദാബി
സെപ്റ്റംബര് 15 – ശ്രീലങ്ക vs ഹോങ് കോങ് – ദുബായ്
സെപ്റ്റംബര് 16 – ബംഗ്ലാദേശ് vs അഫ്ഗാനിസ്ഥാന് – അബുദാബി
സെപ്റ്റംബര് 17 – പാകിസ്ഥാന് vs യു.എ.ഇ – ദുബായ്
സെപ്റ്റംബര് 18 – ശ്രീലങ്ക vs അഫ്ഗാനിസ്ഥാന് – അബുദാബി
സെപ്റ്റംബര് 19 – ഇന്ത്യ vs ഒമാന് – അബുദാബി
Content Highlight: Sunil Gavaskar Talking About Sanju Samson