തിരുവനന്തപുരം: സ്വാതന്ത്ര്യ ദിനാഘോഷങ്ങളില് വന്ദേഭാരതം മുഴുവനായും ആലപിക്കണമെന്ന ഉത്തരവിറക്കി സംസ്ഥാന സര്ക്കാര്. ചീഫ് സെക്രട്ടറിയാണ് ഇത് സംബന്ധിച്ച ഉത്തരവിറക്കിയിരിക്കുന്നത്. കേന്ദ്ര സര്ക്കാര് നിര്ദേശ പ്രകാരം വന്ദേമാതരം മുഴുവന് ആലപിക്കണമെന്ന് ഉത്തരവില് പറയുന്നു.
വന്ദേമാതരം നിര്ബന്ധമാക്കാനുള്ള കേന്ദ്ര തീരുമാനത്തിന് പിന്നാലെയാണ് നടപടി. എന്നാല് വന്ദേമാതരം പൂര്ണമായും ആലപിക്കേണ്ടതില്ലെന്നാണ് കോണ്ഗ്രസ് ദേശീയ നേതൃത്വത്തിന്റെ നിലപാട്.
നേരത്തെ സര്ക്കാരിന്റെ സത്യപ്രതിജ്ഞാ ചടങ്ങില് വന്ദേമാതരം മുഴുവന് ആലപിച്ചത് വലിയ വിവാദങ്ങള്ക്ക് കാരണമായിരുന്നു. ഇതിന് പിന്നാലെയാണ് മുഴുവന് പാടില്ലെന്ന നിലപാടിലെത്തിയത്. നിയമസഭയിലെ നയപ്രഖ്യാപന പ്രസംഗത്തിന് മുന്നോടിയായി വന്ദേമാതരം പാടാത്തതില് ഗവര്ണര് സ്പീക്കറെ പ്രതിഷേധം അറിയിച്ചിരുന്നു.
വന്ദേമാതരം ആലപിക്കുന്നതില് കേന്ദ്ര സര്ക്കാര് പുതിയ നിര്ദേശങ്ങള് നേരത്തെ പുറത്തിറക്കിയിരുന്നു. സംസ്ഥാന ഗീതത്തിന് ശേഷം വന്ദേമാതരവും ദേശീയ ഗാനവും എന്ന ക്രമത്തില് ആലപിക്കണമെന്നായിരുന്നു പുതിയ മാര്ഗനിര്ദേശം. സംസ്ഥാന ഗീതം ഇല്ലെങ്കില് ആദ്യം വന്ദേമാതരം അതിന് ശേഷം ദേശീയ ഗാനം എന്ന ക്രമത്തിലാണ് ആലപിക്കേണ്ടത്.
Content Highlight: State government issues order to sing ‘Vande Mataram’ in full during Independence Day celebrations.