മലയാളികളുടെ പ്രിയ താരമാണ് നിഖില വിമൽ. മലയാളത്തിനൊപ്പം തമിഴ് സിനിമകളിലും ശ്രദ്ധേയമായ കഥാപാത്രങ്ങൾ അവതരിപ്പിച്ച നിഖില വിമൽ ‘ലവ് 24×7 ‘ എന്ന ചിത്രത്തിലൂടെയാണ് നായികയായി അരങ്ങേറ്റം കുറിച്ചത്. വ്യക്തമായ നിലപാടുകളും അഭിപ്രായങ്ങളും തുറന്ന് പറയുന്ന സ്വഭാവം കൊണ്ട് നിഖില പലപ്പോഴും വാർത്തകളിൽ ഇടംപിടിക്കാറുണ്ട്.
ഇപ്പോളിതാ താരം പങ്കുവെച്ച ഒരു സോഷ്യൽ മീഡിയ പോസ്റ്റാണ് ചർച്ചയാകുന്നത്. നടൻ ആര്യയും തെലുങ്ക് താരം വൈഷ്ണവി ചൈതന്യയും ഒപ്പമുള്ള ഒരു ജിം ഫോട്ടോയാണ് സോഷ്യൽ മീഡിയയിൽ വൈറലാകുന്നത്. ഫോട്ടോ പങ്കുവെച്ചതോടെ ആരാധകരുടെയും വിമർശകരുടെയും പ്രതികരണങ്ങൾ ഒരുപോലെ ഉയരുകയാണ്.
നിഖില വിമൽ, Photo: Nikhila vimal/ Facebook
ജിമ്മിൽ വർക്ക്ഔട്ട് ചെയ്യുന്നതിനിടെ എടുത്ത ഒരു ഫോട്ടോയാണ് താരം സോഷ്യൽ മീഡിയയിൽ പങ്കുവെച്ചത്. ചിത്രത്തിൽ തമിഴ് താരം ആര്യയും തെലുങ്ക് നടി വൈഷ്ണവി ചൈതന്യയും നിഖിലക്കൊപ്പം കാണാം.
ഫോട്ടോ പുറത്തുവന്നതോടെ നിരവധി ആരാധകർ ഈ കൂട്ടുകെട്ടിനെ അഭിനന്ദിച്ച് രംഗത്തെത്തി. മൂവരും ഒരുമിച്ചുള്ള ചിത്രങ്ങൾ സോഷ്യൽ മീഡിയയിൽ വേഗത്തിൽ വൈറലാകുകയും ചെയ്തു.
എന്നാൽ അതിനൊപ്പം തന്നെ ചിലർ ഈ പോസ്റ്റിനെ വിമർശിച്ചും രംഗത്തെത്തി. എന്നാലും എന്റെ നിഖിലേ… നിങ്ങൾ തന്നെയാണോ ഇത്?, ഇത്തരം ഒരു ഫോട്ടോ എടുക്കാൻ ആര്യ നിഖിലയെ എങ്ങനെ സമ്മതിപ്പിച്ചു? തുടങ്ങിയ കമന്റുകളാണ് പോസ്റ്റിന് താഴെ നിറയുന്നത്. ഇതോടൊപ്പം നിരവധി ട്രോളുകളും മീമുകളും സോഷ്യൽ മീഡിയയിൽ പ്രചരിക്കുകയാണ്.
നിഖില വിമൽ, Photo: Nikhila vimal/ Facebook
അതേസമയം, ഈ ഫോട്ടോ ഒരു പുതിയ സിനിമയുമായി ബന്ധപ്പെട്ടതാകാമെന്ന അഭ്യൂഹവും ആരാധകർ പങ്കുവയ്ക്കുന്നുണ്ട്. ആര്യയുടെ നാല്പതാമത്തെ ചിത്രത്തിനായി ഒരുങ്ങുന്ന പ്രോജക്റ്റിലായിരിക്കും നിഖിലയും വൈഷ്ണവി ചൈതന്യയും നായികമാരാകുക എന്ന തരത്തിലുള്ള ചർച്ചകളും സോഷ്യൽ മീഡിയയിൽ സജീവമാണ്.
എന്തായാലും, താരങ്ങളുടെ ഇത്തരം ഫോട്ടോകൾ സോഷ്യൽ മീഡിയയിൽ വലിയ ചർച്ചയ്ക്ക് വഴിവെക്കാൻ കഴിയും എന്നതിന്റെ ഉദാഹരണമായി നിഖില വിമലിന്റെ ഈ പോസ്റ്റ് മാറിയിരിക്കുകയാണ്.
ആരാധകരുടെ പിന്തുണയും വിമർശകരുടെ പ്രതികരണങ്ങളും ഒരുപോലെ ഏറ്റുവാങ്ങിക്കൊണ്ട് പോസ്റ്റ് ഇപ്പോഴും സോഷ്യൽ മീഡിയയിൽ വൈറലായി തുടരുകയാണ്.
Content Highlight: Social media criticizes Nikhila Vimal’s post